«System of a Down»ը Սկսած Է Իր Եւրոպական Շրջագայութիւններուն

«ՓանԱրմինիըն» լրատուական ծառայութիւնը կը յայտնէ, թէ Յունիս 2ին, աշխարհահռչակ «System of a Down» ռոք-խումբը սկսաւ իր եւրոպական շրջագայութիւններուն: Առաջին ելոյթը տեղի ունեցաւ Իտալիոյ Միլան քաղաքին մէջ: Խումբը երկուքական համերգ պիտի տայ գերմանական Նիւրենպըրկ քաղաքին եւ Ֆրանսայի մայրաքաղաքին մէջ: Շրջագայութիւնը պիտի աւարտի Յունիս 21ին, Մոսկուայի մէջ։ Այս մասին կը հաղորդուի խումբի պաշտօնական կայքէջին ընդմէջէն:

Մինչ այդ, խումբը համերգներով հանդէս եկած է Հիւսիսային Ամերիկայի մէջ: Մայիս 10ին, ան հանդէս եկաւ գանատական Էտմոնթըն քաղաքին մէջ եւ աւարտեց Մայիս 22ին, Լաս Վէկասի մէջ:

Նշենք, որ «System of a Down»ը, որ շուրջ հինգ տարի չէր գործեր, 2010 Նոյեմբերին պաշտօնապէս յայտարարեց իր վերականգնման մասին: Մինչ այդ, Սերժ Թանքեան ելոյթ կ՛ունենար իբրեւ մենակատար, իսկ Սերժ Տօլմայեան եւ Տարօն Մալաքեան ստեղծած էին «Scars on Broadway» խումբը: Խումբը յայտարարած էր Հիւսիսային Ամերիկայի եւ Եւրոպայի մէջ շրջագայութեան մասին, սակայն նոր ալպոմի ձայնագրութեան ծրագիրներ տակաւին չկան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top