Օրինակելի Արարք Մը

5րդ դասարանի աշակերտները

ՓԱՍԱՏԻՆԱ.- «Սահակ Մեսրոպ» վարժարանի 5րդ դասարանի 22 աշակերտներ, առաջնորդութեամբ ծնողք Լիսա Պոյաճեանի, դաստիարակ ուսուցիչ Ս. Պատալեանի եւ  գիտութեան ուսուցիչ Ի. Պապիկեանի, որդեգրեցին անասուն մը Երեւանի կենդանաբանական պարտէզին մէզ՝ ստանձնելով կատուազգիի մը՝ քարաքալի, մէկ տարուան հոգատարութեան ծախսերը։

Պապիկեան եւ Պատալեան

Վերոյիշեալ աշակերտները իրենց նիւթական մասնակցութիւնը բերին եւ իրենց «որդեգիր»ը անուանեցին «Հաւատք», այն յոյսով, որ օր մը կրնան այցելել Երեւանի կենդանաբանական պարտէզը եւ տեսնել զայն, միաժամանակ մեծ բաւարութիւն ստանալով իրենց կատարած բարի արարքին համար։

Յիշենք նաեւ, որ «Սահակ Մեսրոպ» վարժարանի աշակերտները այս բարենպաստ գործը կատարեցին www.yerezoo.com համացանցային կայքին միջոցաւ, որ Պըրպենքէն տասնամեայ պարմանուհիի մը՝ Սեւանայ Մինասեանին մտայղացումն է: Այդ կայքին միջոցաւ կարելի է Երեւանի կենդանաբանական պարտէզի անասուններու հոգատարութեան ծախսերէն մաս մը ստանձնել:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top