Դոկտ. Յարութիւն Արմէնեանի Ջրաներկերու Ցուցադրութիւն Եւ Վաճառք

ՈՒԵՍԹՈՒՈՒՏ.- Ուրբաթ եւ Շաբաթ, Մարտ 16-17ին, Քալիֆորնիոյ համալսարանի Լոս Անճելըսի մասնաճիւղին (UCLA) արուեստներու «Քերքոֆ» ցուցադրասրահին մէջ տեղի պիտի ունենայ համալսարանի դասախօսներէն՝ Ուսումնական ծրագիրներու վարիչի տեղակալ դոկտ. Յարութիւն Արմէնեանի ջրաներկերուն ցուցադրութիւնը:

Ցուցադրասրահը Ուրբաթ օր բաց պիտի ըլլայ երեկոյեան ժամը 4էն 7, իսկ Շաբաթ օր՝ 2էն 5: æրաներկերու վաճառքէն գոյացած հասոյթը պիտի տրամադրուի Հայաստանի Ամերիկեան համալսարանին մէջ Քալիֆորնիոյ համալսարանի Լոս Անճելըսի մասնաճիւղի ուսանողներու վարժողական ծրագիրներուն եւ ուսումնասիրութեանց:

Յիշեցնենք, թէ դոկտ. Յարութիւն Արմէնեան 14 տարիներ եղած է Հայաստանի Ամերիկեան համալսարանի տնօրէնը:

Ցուցադրասրահին հասցէն է՝ 308 Westwood Plaza Los Angeles, CA 90095, որուն ամենամօտիկ ինքնաշարժի կանգառը համալսարանի թիւ 6 կանգառն է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top