Արաբերէնի Ուսուցման Դպրոց Երեւանի Մէջ

ԵՐԵՒԱՆ, «Արմէնփրէս».- Հայաստանի կրթութեան եւ գիտութեան նախարար Արմէն Աշոտեան 16 Մայիսին հանդիպում ունեցած է Հայաստանի մէջ Քուէյթի դեսպան Պասսամ Մուհամետ Ալ Քապանտիի հետ: Քննարկումի նիւթ եղած են կրթութեան եւ գիտութեան բնագաւառին մէջ երկու երկիրներուն միջեւ համագործակցութեան վերաբերող խնդիրներ՝ միացեալ ծրագիրներու իրականացման եւ երկկողմանի կապերու ամրապնդման ծիրին մէջ: Ողջունելով դեսպանը՝ նախարարը կարեւոր նկատած է երիտասարդ մասնագէտներու որակեալ կրթութեան եւ մրցունակութեան խնդիրը: Յատուկ կերպով անդրադարձ կատարուած է Երեւանի պետական համալսարանին մէջ կրթական, գիտական եւ մշակութային ուղղուածութեամբ արաբագիտութեան կեդրոնի հաստատման եւ Երեւանի մէջ արաբերէնի մասնագիտական ուսուցում փոխանցող աւագ դպրոց հիմնելու կարելիութեան:

Դեսպանը շնորհակալութիւն յայտնած է նախարարին ընդունելութեան համար եւ նշած, որ Հայաստանն ու Քուէյթը  տարբեր բնագաւառներուն մէջ համագործակցութեան մեծ հեռանկարներ ունին՝ աւելցնելով, որ յատկապէս կրթութեան մարզը այս իմաստով առաջատար կրնայ ըլլալ:

Հանդիպման ընթացքին անդրադարձ կատարուած է նաեւ երկու պետութիւններուն միջեւ կրթութեան բնագաւառին մէջ համագործակցութեան հաւանական յուշագիրի ստորագրութեան եւ բարձրագոյն կրթութեան մարզին մէջ կրթաթոշակ տրամադրելու ծրագիրներու մշակման կարելիութեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top