Ին՞չ Կարելի Է Իրականացնել

Ամրան Ընթացքին (Բ)

Էջը Պատրաստեց՝

ԹԱՄԱՐ ԹԻՒՖԷՆԿՃԵԱՆ-ՍԷՐԱՅՏԱՐԵԱՆ

Անցած անգամ ներկայացուցած էինք ամառնային արձակուրդի ընթացքին կատարելիք աշխատանքներուն եւ հաճելի ժամանցներուն մասին: Այժմ՝ խօսինք այլ աշխատանքներու եւ ժամանացներու մասին:

Դուրսը շատ տաք է: Սակայն տան մէջ չէք ուզեր պահել ձեր երեխաները:

Փոքրերու պարագային՝ կարելի է ձեր բակը յատուկ ջրային խաղերու զբօսայգիի վերածել ու այդպէս զուարճանալ  եւ միաժամանակ զբաղեցնել ձեր երեխաները: Յատուկ փոքր աւազաններ զետեղել ու խաղալ ու մարմինը կայտառ պահել այդ միջոցին: Կարգ մը ջրային պարզ խաղալիքներ կրնաք գնել եւ մինչեւ իսկ եթէ հնարաւոր է թեթեւ, փոքր ջրային սահանակ մը առէք ու այդպէս ժամանակը արժեւորեցէք ձեր երեխաներուն հետ:

Մեծերու պարագային՝ բակին մէջ առարկաներ պահելու խաղը ստեղծեցէք եւ քարտէս մը պատրաստեցէք սրճագոյն թուղթով, կեղծելու համար ծովահէններու կատարած գանձերու կղզիի ճամբորդութիւնը:

Խճողուած վայրերու պարագային՝ կարելի է նաեւ այցելել սառոյցի վրայ չմշկումի կեդրոններ, որոնք ամրան տաք օդին զովութիւն կու տան ձեզի:

Քաղաք կ՛ապրիք, սակայն բնութեան կարիքը կը զգաք:

Կրնաք շաբթուան ընթացքին կամ շաբաթավերջին գտնել զանազան քաղաքներու մէջ կատարուած «ֆարմըրզ մարքէ»չներ (farmers market), որնոք շատ լաւ առիթ պիտի ըլլան խճողուած, ապականած մթնոլորտէն քիչ մը հեռանալու համար: Նաեւ այդ միջոցին կրնաք լսել  տեղւոյն երաժշտական նմոյշներէն մաս մը:

Մեծերուն համար՝ կարելի է հանրային պարտէզներ կամ անտառներ առաջնորդուիլ եւ անտառային զովութիւնն ու շուքը վայելել: Կարելի է նաեւ վրան վարձել ու երթալ բնութեան գիրկը գիշերել: Այդ բանակումի փորձառութիւնը շատ կարեւոր է երեխաներուն համար: Եթէ բանակումի անհրաժեշտ առարկաները չունիք, կրնաք վարձու առնել:

Եթէ ընտրութիւն կատարեցիք խճողուած վայր մը այցելելու, ապա ընտրեցէք ձկնարանները եւ ձուկերու աշխարհը ապրեցէք ու ներղնչուեցէք այդ բոլորէն: Կարելի է ժամերով վայելել այդ հաճոյքը եւ տակաւին դիտել ու զմայլիլ այդ աշխարհով: Առիթ ստեղծեցէք, որ ձեր երեխաներն ալ վարժուին այդպիսի տեղերէ հաճոյք ստանալու:  Բնութիւնը սիրող ու արժեւորող անձը երբեք թեթեւ արժէքներով չի տարուիր, միշտ կը մնայ բարձր դիրքերու վրայ: Հետեւաբար, երբ այս վարժութիւնը ձեռք կը ձգէ ձեր երեխան կեանքի հիմնական արժանիքներէն ու գանձերէն մէկը հաւաքած կըլլայ իր հոգիին խորքը եւ երբեք զայն կորսնցելու վտանգին չ՛ենթարկուիր:

Շարժապատկերի դասական ներկայացումներ. արդիական խաղերէն քիչ մը հեռանալով կրնաք Չարլի Չեփլին կամ «Three Stooges» դիտել: Տարբեր օրերու եւ ճաշակներու ու կատակներու թող ծանօթանան նաեւ ձեր զաւակները, որպէսզի տարբերը նկատելու եւ արժեւորելու ունակութիւն ձեռք ձգեն:

============================================================================================================================

Այսօր կը ներկայացնենք լեհական մաքարոնիի տեսակ մը, որ քաշուած հաւու միսով կամ հորթուկի միսով կը պատրաստուիլ, ըստ ձեր փափաքին:

Սննդագիտական  տեղեկութիւններ

երմուժ 410

Ընդհանուր իւղ 6 կրամ

Ողողուած (Saturated) իւղ 2 կ.

Քոլեսթրոլ 49 մկ.

Սոտիըմ 800 մկ.

Ընդհանուր շաքարեղէն 59 քկ.

Բնաթել 5 կ.

Փրոթին 29 կ.

Չափը՝ վեց հոգիի համար

Պատրաստութեան ժամանակը՝ 40 վայրկեան

Բաղադրեալներ

12 օզ. մաքարոնի

4 թէյի դգալ ձիթաիւղ

1 բաունտ քաշուած հաւու կամ հորթուկի միս

Աղ եւ պղպեղ՝ ըստ փափաքի

2 միջակ չափի ստեպղին՝ մանր ջարդուած

2 շերտ կարոս՝ մանր ջարդուած

1 մեծ սոխ՝ մանր ջարդուած

1 գլուխ սխտոր՝ ճզմուած

1 տուփ՝ 28 օզ. մանր ջարդուած լոլիկ

1/2 գաւաթ կաթ

1/3 գաւաթ թարմ տաշուած փարմիժան պանիր

1/4 գաւաթ ազատքեղ՝ մանր ջարդուած

Պատրաստութիւն

Խոշոր կաթսայի մը մէջ առատ ջուր եռացուցէք ու խաշեցէք մաքարոնին՝ տրուած թելադրանքներուն համաձայն:

Միջոցին, տապակի մը մէջ տաքցուցէք երկու թէյի դգալ  ձէթը միջին տաքութեամբ մօտաւորապէս մէկ վայրկեան: Վրան աւելցուցէք քաշուած միսը՝ հաւու կամ հորթուկի, աղ ցանեցէք ըստ ցանկութեան: Եփեցէք մօտաւորապէս տասը վայրկեան, կամ մինչեւ միսին կարմրութիւնը անցնիլը՝ յաճախ խառնելով: Ապա փոխանցեցէք միսը իր հիւթերով աւելի փոքր տապակի մը մէջ:

Նոյն տապակին մէջ, որ միսը կարմրցուցիք աւելցուցէք մնացեալ երկու դգալ ձէթը, հետը միասին ստեպղինը, կարոսը, սոխն ու սխտորը: Եփեցէք միայն 10-12 վայրկեան, մինչեւ բանջարեղէններուն բաց սրճագոյն դառնալը: Վրան աւելցուցէք լոլիկը, աղը, եւ սեւ պղպեղը, ցած կրակի վրայ առանց բերանը գոցելու յաճախ խառնելով եփեցէք մօտաւորապէս տասը վայրկեան:  Ապա աւելցուցէք միսը եւ կաթը՝ կրակին վրայ պահելով:

Քառորդ բաժակ մաքարոնիի ջուրէն պահեցէք, մնացեալը թափեցէք ու սուզեցէք մաքարոնին: Պարպեցէք զայն տապակին վրայ եւ խառնեցէք: Վերցուցէք կրակէն եւ վրան ցանեցէք ազատքեղն ու պանիրը եւ մնացեալ խաշած մաքարոնիի քառորդ գաւաթ ջուրը: