Ճեք Մսըրլեան Կը Մեծարուի «Փրկութեան Բանակ»ին Կողմէ

ԹՈՐԸՆՍ.- Թորընսի քաղաքապետական խորհուրդի նախկին անդամ Ճեք Մսըրլեան վերջերս մեծարուեցաւ բարեսիրական «Փրկութեան Բանակ»ի (Salvation Army) Թորընսի մասնաճիւղին կողմէ՝ ստանալով Քեթի Կէյսըրթի անուան մրցանակը, բարեսիրական կազմակերպութեան Թորընսի մասնաճիւղին անոր ցուցաբերած օրինակելի նուիրումին համար:

Տարին անգամ մը շնորհուող այս մրցանակին յանձնման նպատակով կազմակերպուած ճաշկերոյթին ներկայ էր մօտաւորապէս 150 հոգի, իսկ ձեռնարկին գլխաւոր բանախօսն էր «Մերիմաուն»չ համալսարանի նախագահ՝ դոկտ. Մայքըլ Պրոֆի. ներկայ էին նաեւ քաղաքին ու գաւառային մակարդակի շարք մը պաշտօնատարներ, ինչպէս նաեւ կազմակերպութեան բարձրաստիճան ներկայացուցիչիներ:

Մեծարեալը շնորհակալութիւն յայտնեց իրեն շնորհուած այս պատիւին համար:

Ճեք Մսըրլեան  վերջերս Կամաւորներու կեդրոնի Հարաւային Ծովածոց-Հարպըր-Լոնկ Պիչ մասնաճիւղի վարչութեան անդամ ընտրուած էր՝ դառնալով անոր անդամարշաւի յանձնախումբի պատասխանատուն: Ան 1994ին ու 1998ի Թորընսի քաղաքապետական խորհուրդի անդամ ընտրուած է՝ ստանձնելով քաղաքապետութեան շարք մը յանձնախումբերու ատենապետութիւնը: Նախքան քաղաքապետական խորհուրդի անդամ ընտրուիլը, ան եղած է քաղաքի հանրային պարտէզներու յանձնաժողովի ատենապետ, իսկ 8 տարիներով եղած է ծրագրումի յանձնաժողովի անդամ եւ ատենապետ: 1979ին նշանակուած է Քալիֆորնիոյ համայնքային համալսարաններու հոգաբարձութեան անդամ: Այդ մարմինին մէջ ան մնացած է 8 տարի՝ տարբեր առիթներով ստանձնելով անոր ատենապետի, փոխատենապետի, ինչպէս նաեւ անոր յանձնախումբերու ատենապետի պաշտօնները: Ան նաեւ անդամ է կամաւորական շարք մը կազմակերպութեանց ու եղած է Արեւմտեան Ամերիկայի Հայ Դատի յանձնախումբի վարչութեան ատենապետը, իսկ 8 տարի ալ եղած է «Արարատ տան» հոգաբարձութեան անդամ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top