Միշել Լըկրան Ելոյթ Պիտի Ունենայ Երեւանի Մէջ

ԵՐԵՒԱՆ.- Աշխարհահռչակ երաժիշտ Միշել Լըկրան աշնան համերգ պիտի տայ Երեւանի մէջ։ Այս համերգը պիտի կայանայ դասական երաժշտութեան երեւանեան 6րդ փառատօնի շրջագիծին մէջ եւ պիտի նուիրուի մեծանուն երաժիշտին 80ամեակին: Նշանաւոր երաժիշտ-երգահանը արդէն համերգներ տուած է Հայաստանի մէջ: 2006ին ան Երեւանի մէջ ելոյթ ունեցած է Շարլ Ազնաւուրի հետ, իսկ 2009ին անոր նուագակցած է իր կինը՝ նշանաւոր տաւիղահար Քաթրին Միշելը եւ քոյրը՝ սոփրանօ Քրիսթիան Լըկրանը:

Միշել Լըկրան  յատկապէս նշանաւոր է ժապաւէններու (շուրջ 200) համար գրուած իր երաժշտութեամբ: Ան ունի աւելի քան 100 ձայնասկաւառակ: Երեք անգամ արժանացած է «Օսքար»ի, 5 անգամ «Կրեմմի»  եւ «Էմմի», 12 անգամ «Կոլտըն Կլոպ» մրցանակներու: 2003 թուականին ստացած է «Պատուոյ լեգէոն»ի շքանշան: Ան իր առաջին ձայնասկաւառակը հրապարակ իջեցուցած է 22 տարեկանին, եւ անիկա հանդիսացած է ամէնէն աւելի ծախուած ձայնասկաւառակներէն մին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top