Ատոմ Էկոյեանի Բեմադրած Օփերայի Առաջին Ներկայացումը Նիւ Եորքի Մէջ

ԵՐԵՒԱՆ, «ՓանԱրմինիըն».- Գանատահայ բեմադրիչ Ատոմ Էկոյեան Յուլիս 26ին պիտի ներկայացնէ իր «Ֆենկ եի Թինկ» օփերայի բեմադրութիւնը՝ Նիւ Եորքի «Լինքըլն» կեդրոնի փառատօնի ծիրէն ներս:

Օփերան կը պատմէ չինական Խան արքայական ցեղի ժամանակաշրջանին ապրած առասպելական պալատական գեղուհի Տիաօ Չանի՝ սիրոյ համար ծաւալած պայքարին

մասին:

Օփերային մէջ կ՛արծարծուին սիրոյ, քաղաքական մեքենայութիւններու եւ կաշառակերութեան նիւթերը: Հեղինակն է յօրինող Կուն Վենճինկ:

Բեմադրութեան համար Էկոյեան օգտագործած է չինական հանրայայտ Թերակոտէ բանակի արտաձգութիւնները: Նաեւ օգտագործած է աւանդական պուպրիկներու (տիկնիկային) թատրոնի ստուերները եւ շարժող լուսագիրներ (titles):

Փառատօնը տեղի կ՛ունենայ Յուլիս 5էն Օգոստոս 5: