Էրտողան Կը Խոստանայ Շարունակել «Խաղաղութեան Հոլովոյթը»

ՊՈԼԻՍ, «Մարմարա».- Թուրքիոյ վարչապետ Ռեչեփ Թայիփ Էրտողան Քիւրտիստանի բանուորական կուսակցութեան բանտարկուած ղեկավար Ապտուլլահ Օճալանի հետ բանակցութիւնները «խաղաղութեան հոլովոյթ» նկատելով՝ խոստացաւ բանակցութիւնները շարունակել՝ հակառակ «գրգռութեան փորձերուն» եւ ընդդիմադիր Ազգային շարժում կուսակցութեան ցուցաբերած ընդդիմութեան: «Զգոյշ ենք, սակայն տակաւին յուսալից ենք», ըսաւ Էրտողան իր ղեկավարած Արդարութիւն եւ բարգաւաճում կուսակցութեան խորհրդարանական խմբակցութեան նիստին ընթացքին:
Անդրադառնալով Փարիզի մէջ քիւրտ գործիչներու սպանութեան կապակցութեամբ քրտամէտ Խաղաղութիւն եւ ժողովրդավարութիւն կուսակցութեան կողմէ մէջտեղ նետուած այն պնդումներուն, թէ «ընդյատակեայ պետութիւնը» մեղսակից է՝ Էրտողան ըսաւ, որ այդ ամբաստանութիւնները «անպատասխանատու» են:
Միւս կողմէ, կառավարութեան գլխաւոր ընդդիմադիր՝ Հանրապետական ժողովրդային կուսակցութեան ղեկավար Քեմալ Քըլըճտարօղլու նշեց, որ Ֆրանսայի նախագահին ու քիւրտ ղեկավարներուն միջեւ հանդիպումները քննադատելու Էրտողանի քայլը անհեթեթ է, երբ Թուրքիոյ կառավարութիւնը արդէն քրտական կուսակցութեան հետ բանակցութիւններ կը վարէ:
Էրտողան Ֆրանսայի նախագահ Ֆրանսուա Հոլանտէն բացատրութիւն պահանջած էր, ««Ինթըրփոլ»ի կողմէ փնտռուող ահաբեկիչներու հետ» հանդիպումներուն համար»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top