Հայաստանեան Հանրակառքերը Հնդկական Ծագում Պիտի Ունենան

ԵՐԵՒԱՆ, «Նիուզ».– Ըստ Հայաստանի փոխադրութեան եւ կապի նախարարութեան, Հայաստանի մէջ հանրակառքերու արտադրութիւնը պիտի կատարէ հնդկական «Աշոք Լէյլենտ» ընկերութիւնը:
Նախապէս հաղորդուած էր, որ արտադրող ընկերութիւնը «MED A.KGmbH» կը կոչուի. սակայն հաւանաբար անիկա  հնդկական ընկերութեան ներկայացուցիչն է Գերմանիոյ մէջ: Յստակ չէ, որ համաձայնագիրը ի՞նչ պատճառով այդ ընկերութեան հետ կնքուած է։
Կը նախատեսուի, որ գործարանի գործարկման առաջին տարուան ընթացքին ընկերութիւնը արտադրէ շուրջ 200 ժամանակակից, բարձրակարգ հանրակառք: Անոնք անաղմուկ են, յարմարաւէտ նստարաններով, ունին օդափոխութեան համակարգ:
Հայաստանի մէջ արտադրուող հանրակառքերը բաւական աժան պիտի ըլլան մինչեւ օրս ներածուող հանրակառքերէն: Գործարանի շինարարութիւնը պիտի սկսի 2013ի առաջին եռամսեակին: Մինչ այդ հանրութեան պիտի ներկայացուին արտադրուող հանրակառքերէն նմոյշներ:
Նշենք, որ հնդկական «Աշոք Լէյլենտ» կազմակերպութիւնը հիմնուած է 1948ին. անիկա Հնդկաստանի հանրակառքեր ու բեռնատարներ արտադրող երկրորդ մեծագոյն ընկերութիւնն է եւ հանրակառքերու արտադրութեան բնագաւառին մէջ յառաջատար տեղ ունի։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top