Րաֆֆի Յովհաննէսեան Սերժ Սարգսեանը Կը Հրաւիրէ Բանավէճի

Րաֆֆի Յովհաննէսեան յայտնած է, թէ ինք դէմ է, որ քաղաքացիներուն հետ հանդիպման ընթացքին իրեն ընկերակցին ոստիկաններ, անվտանգութեան ծառայութեան աշխատակիցներ: Րաֆֆի Յովհաննէսեան յաջողութիւն մաղթած է իր մրցակիցներուն՝ կոչ ուղղելով արդար, հաւասար, արժանապատիւ եւ մրցակցային պայքարի մթնոլորտի ստեղծման:
«Եթէ Սերժ Սարգսեանը ցանկանում է ազատ, արդար ընտրութիւններ, պէտք է բացառի օրէնքի խախտումը, թոյլ չտայ, որ որեւէ մէկը խախտի ընտրական օրէնսգիրքը, օրէնսդրութիւնը», յայտնած է Րաֆֆի Յովհաննէսեան. «Իմ հիմնական մրցակցին՝ պարոն նախագահին, հրաւիրում եմ հրապարակային բանավէճի՝ բացօթեայ, կամ հեռուստատեսային»:
Ժառանգութիւն կուսակցութեան առաջնորդը նաեւ դիմած է Սերժ Սարգսեանին՝ կոչ ուղղելով, որ ան կեանքի կոչէ իր ներկայացուցած 15 կէտերը. «Մենք ունենալու ենք շարժունակ քարոզարշաւ, եւ այդպիսին կը լինեն նաեւ մեր շտաբները: Քարոզարշաւի պատասխանատուն, ինչպէս նաեւ շտաբի գաղափարական պետը ես եմ լինելու, կազմակերպչական հարցերով պատասխանատուին անունը կը յայտարարուի Կիրակի օրը», ըսած է ան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top