Երեւան-Վան Առաջին Թռիչքը Տեղի Պիտի Ունենայ 3 Ապրիլին

ԵՐԵՒԱՆ, «Արմէնփրէս».– Երեւան-Վան առաջին օդանաւային թռիչքը պիտի կատարուի 3 Ապրիլին՝ «Նարեկավանք տուր» ընկերութեան կողմէ եւ թրքական «Փորա ճեթ» օդանաւային ընկերութեան պատկանող եւրոպական արտադրութեան օդանաւերով: «Արմէնփրէս»ին հետ ունեցած զրոյցին ընթացքին «Նարեկավանք տուր» զբօսաշրջական գործակալութեան տնօրէն Աշոտ Սողոմոնեան նշած է, որ թէ՛ սփիւռքահայերու եւ թէ՛ տեղացիներու կողմէ բաւական մեծ պահանջ կայ օդանաւով դէպի Վան ուղղուելու: «Մենք արդէն երեք տարի է աշխատում էինք այս ուղղութեամբ եւ վերջապէս հասանք նրան, որ այն մարդիկ, ովքեր միկրօաւտոբուսներով դժուարանում են երթեւեկել, այժմ կ՛երթեւեկեն 68 տեղանոց ինքնաթիռներով», յայտնած է ան:
Սողոմոնեանի համաձայն, Երեւան-Վան առաջին թռիչքին տոմսերը պիտի սկսին վաճառուելու յառաջիկայ շաբաթ եւ պիտի արժեն 250 տոլար: «Սկզբի առաջին-մէկ երկու ամիսների ընթացքում տոմսերը կը վաճառենք 20 տոկոս զեղչով՝ 200 դոլարի համարժէք դրամով», դիտել տուած է ան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top