Սկովտիոյ Խորհրդարանը Կը Ճանչնայ Հայկական Ցեղասպանութիւնը

ԵՐԵՒԱՆ.- Հայաստանի մէջ սփիւռքի նախարարութեան Համահայկական ծրագիրներու վարչութեան պետ Ատոմ Մխիթարեան «Ֆէյսպուք»ի իր էջին վրայ գրած է, որ Սկովտիոյ խորհրդարանի անդամներուն մեծամասնութիւնը կողմ քուէարկած է Ապրիլ 24ը իբրեւ Հայկական Ցեղասպանութեան զոհերու յիշատակի օր ճանչնալու բանաձեւին:
Բանաձեւը ներկայացուցած է երեսփոխան Մարքօ Պիաճին, իսկ անոր ի նպաստ քուէարկած են 65 երեսփոխաններ: Բանաձեւը խորհրդարան ներկայացուած էր այս տարուան Ապրիլ 18ին:
Բանաձեւին մէջ գրուած է. «Խորհրդարանը կը ճանչնայ Ապրիլ 24ը իբրեւ Օսմանեան կայսրութեան կողմէ 1915 թուականին հայ մտաւորականներու ձերբակալութեան օր, որ կը համարուի հարիւր հազարաւոր հայերու կոտորածներու սկիզբը: Խորհրդարանը կը հաւատայ, որ հայ ժողովուրդին ապրած այս ողբերգութիւնը պէտք է առիթ դառնայ աշխարհի բոլոր ժողովուրդներուն, որ մտածեն ցեղասպանութեան զոհերուն մասին։ Պէտք է աշխատանք տարուի, որպէսզի աշխարհի վրայ բոլոր ազգերը ճանչնան այս ողբերգութիւնները եւ չարտօնեն, որ անգամ մը եւս պատահի այդպիսի սպանդ մը»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top