Փրոֆ. Հուրի Պէրպէրեան Պիտի Խօսի «Շաղկապուած Յեղափոխութիւններ» Նիւթին Մասին

ՊԸՐՊԵՆՔ.- Կազմակերպութեամբ «Արփա» հիմնարկին, Հինգշաբթի, Յունիս 20ին, երեկոյեան ժամը 7:30ին տեղի պիտի ունենայ դասախօսական ձեռնարկ մը, որուն ընթացքին փրոֆ. Հուրի Պէրպէրեան պիտի ներկայացնէ «Շաղկապուած յեղափոխութիւններ. հայերը եւ 20րդ դարու սկիզբի ռուսական, օսմանեան եւ իրանեան յեղափոխութիւնները» նիւթը:
Փրոֆ. Հուրի Պէրպէրեան Քալիֆորնիոյ Նահանգային համալսարանի Լոնկ Պիչի մասնաճիւղին մէջ Միջին Արեւելքի պատմութեան դասախօս է, ինչպէս նաեւ՝ համալսարանի Միջին Արեւելքի ուսմանց ծրագիրի վարիչը: Ան հրատարակած է բազմաթիւ յօդուածներ եւ հատոր մը՝ նուիրուած Իրանի սահմանադրական յեղափոխութեան մէջ հայերու դերակատարութեան:
Դասախօսական ձեռնարկը տեղի պիտի ունենայ առաջնորդարանի «Համբար» սրահին մէջ (3325 N. Glenoaks Blvd., Burbank, CA, 91504):
Յաւելեալ տեղեկութեանց համար, դիմել դոկտ. Յակոբ Փանոսեանին՝ (818) 453-0618 թիւով կամ info@ARPAInstitute.org հասցէով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top