Գաբրիէլ Փանոսեան Եւ Նայիրի Մկրտիչեան Կը Պարգեւատրուին


ԵՐԵՒԱՆ, «Եռագոյն».– 4 Հոկտեմբերին Հայաստանի սփիւռքի նախարարութեան կեդրոնին մէջ տեղի ունեցաւ նախարարոթեան աշխատակազմի քաղաքացիական ծառայութեան թափուր պաշտօններու համար յայտարարուած մրցումին յաղթող նկատուած եւ ճշդուած փորձառական շրջանը ամբողջացուցած 11 քաղաքացիական ծառայողներու երդման հանդիսաւոր արարողութիւն, որուն ներկայ էին սփիւռքի նախարար Հրանոյշ Յակոբեան, Հայաստանի կառավարութեան աշխատակազմի ղեկավար-նախարար Վաչէ Գաբրիէլեան, Քաղաքացիական ծառայութեան խորհուրդի նախագահ Մանուէլ Պատալեան, Ազգային ժողովի պատգամաւոր Արտակ Զաքարեանը, պետական-հասարակական գործիչներ, ուսուցիչներ, սփիւռքահայեր:
Հայաստանի սփիւռքի նախարար Հրանոյշ Յակոբեան՝ շնորհաւորելով աշխատակիցները, մասնաւորապէս նշեց. «Կարծում եմ անցնելով քաղծառայութեան, երբեք երդմնազանց չէք լինի: Մեր պարտքն է ծառայել հայրենիքին, պետութեանը, ժողովրդին եւ երբեք չխախտել օրէնքները: Ի տարբերութիւն միւս նախարարութիւնների, մեր նախարարութեան վրայ ազգապահպանման կարեւորագոյն խնդիր է դրուած:  Անցած 5 տարիների ընթացքում արել ենք ամէն ինչ, որպէսզի սփիւռքի նախարարութիւնը կայանայ: Պահանջում եմ լինել ազնիւ, առարկայական, պատասխանատու եւ նուիրեալ ձեր աշխատանքի: Եթէ չլինէր Հայաստանի նախագահի կամքը եւ ուշադրութիւնը, կառավարութեան աջակցութիւնը եւ ամենակարեւորը Սփիւռքի աջակցութիւնը, նախարարութիւնը չէր կայանայ: Շնորհակալութիւն Սփիւռքին»:
Սփիւռքի նախարարութեան 5ամեակին առիթով ներկաները ողջունեց, Հայաստանի վարչապետին անունով շնորհաւորեց եւ պարգեւներ յանձնեց Վաչէ Գաբրիէլեան:
Ձեռնարկին ընթացքին, սփիւռքի նախարարութեան յոբելեանական 5ամեակին առիթով պարգեւատրուեցան նախարարութեան նախկին եւ ներկայ աշխատակիցները, ինչպէս նաեւ գործընկեր կառոյցներու ներկայացուցիչներ եւ անհատներ, որոնք իրենց ներդրումը ունեցած են նախարարութեան կայացման, Հայաստան-Սփիւռք գործակցութեան զարգացման գործին մէջ:
Պարգեւատրուողներու շարքին էին նաեւ «Եռագոյն» կայքի խմբագիր Նայիրի Մկրտիչեան եւ «Ազդակ» օրաթերթի լուսանկարիչ Գաբրիէլ Փանոսեան, որոնք արժանացան «Մայրենի լեզուի դեսպան» մետալին։
ՀՀ սփիւռքի նախարարը իր խօսքին մէջ ըսաւ. «Բացէք «Եռա-գոյն»ը եւ տեսէք հայրենասիրութիւնը»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top