Դոկտ. Արմէն Տէր Գէորգեան Լուսարձակի Տակ

ԼՈՍ ԱՆՃԵԼԸՍ.- Հարաւային Քալիֆորնիոյ համալսարանի ճարտարագիտութեան «Վիթերպի» բաժանմունքը Ապրիլ ամսուան հետախուզութեան օգնական ընտրած է Արմէն Տէր Գէորգեանը, որուն ուսումնասիրութիւնները կը կեդրոնանան քաղաքացիական հսկայ ենթակառոյցներու կացութիւնը արժէաւորելու, անոնց հետեւելու եւ հաւանական հարցեր կանխատեսելու չափագիտական բարդ նախատիպեր գոյացնելու վրայ:
Վերջին երկու տարիներուն ընթացքին Արմէն նաեւ կ՛աշխատակցի Ազգային օդանաւային եւ անջրպետային վարչութեան (NASA) «Արմսթրոնկ» թռիչքներու հետախուզութեան կեդրոնին հետ, անօդաչու թռչող սարքերու եւ այլ մարզերու մէջ:
Տէր Գէորգեան վերջերս ատացաւ դոկտորական կոչումը, յաջողութեամբ պաշտպանելով իր աւարտաճառը, իբրեւ խորհրդատու ունենալով դոկտ. Սեմի Մասրին: Ան Մագիստրոսի երկու վկայականներու արժանացած է վերոյիշեալ «Վիթերպի» բաժանմունքէն՝ ելեկտրական եւ կառուցային ճարտարագիտութեան ճիւղերուն մէջ:
Արմէն նաեւ արհեսրավարժ ջութակահար է եւ այդ մարզին մէջ իր ուսումը ամբողջացուցած է Հարաւային Քալիֆորնիոյ համալասարանի «Թորնթըն» երաժշտանոցին մէջ: Ան ելոյթներ ունեցած է աշխարհի տարածքին եւ զայն կարելի է տեսնել նաեւ «The Soloist» («Մենակատարը») շարժապատկերին մէջ:
Արմէն նաեւ աշխոյժ է համայնքի կեանքին մէջ, ըլլալով ՀԲԸՄի Կլենտէյլ-Փասատինա մասնաճիւղի վարչութեան անդամ, յաճախ գործակցելով Կլենտէյլ հաստատուած «Լարք» երաժշտական ընկերակցութեան հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top