Առաջնորդը Ընդունեց Ծոցի Երկիրներու Ս. Գրոց Ընկերութեան Ընդհանուր Քարտուղար Հրայր Ճէպէճեանը

ԼԱ ՔՐԵՍԵՆԹԱ.- Երեքշաբթի, Յունիս 17ին, առաջնորդ Մուշեղ արք. Մարտիրոսեան Ազգային առաջնորդարանին մէջ ընդունեց այցելութիւնը Ծոցի երկիրներու Ս. Գրոց ընկերութեան ընդհանուր քարտուղար Հրայր Ճէպէճեանի, ընկերակցութեամբ Սուրիահայութեան օժանդակութեան միացեալ մարմինի ատենապետ Զաւէն Խանճեանի։
Մտերմիկ հանդիպման ընթացքին, Ճէպէճեան անդրադարձաւ Ս. Գրոց ընկերութեան ծառայութիւններուն եւ սրբազան հօր ներկայացուց իր հրատարակած Աստուածաշունչը՝ յատուկ մանուկներու, որ պատրաստուած է նախակրթարանի մակարդակի աշակերտներու համար։ Հանդիպումը նաեւ առիթ հանդիսացաւ խորհրդակցելու ընդհանրապէս Միջին Արեւելքի եւ յատկապէս Սուրիոյ հայութեան մասին։
Առաջնորդ սրբազանը գնահատեց Ճէպէճեանի Ս. Գրոց ընկերութեան մատուցած երկար տարիներու ծառայութիւնը, հայ համայնքին նկատմամբ իր նուիրաբերումը, ու յաջողութիւն մաղթեց անոր ապագայի ծրագիրներուն մէջ։
Ճէպէճեան նաեւ շնորհակալութիւն յայտնեց առաջնորդ սրբազանին ջերմ ընդունելութեան համար եւ երախտագիտութիւնը յայտնեց՝ նուիրելով իր հեղինակած «Հայուն Գոյապայքարի Ճանապարհը» գիրքէն օրինակ մը։ Առաջնորդ սրբազանը իր կարգին, Ճէպէճեանին նուիրեց վերջերս հրատարակուած քարոզներու եւ պատգամներու իր գիրքէն օրինակ մը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top