Պապը Ցեղասպանութեան 100ամեակին Նուիրուած Պատարագ Պիտի Մատուցէ

ԵՐԵՒԱՆ, «Նիուզ».- Հռոմի Ֆրանսիս պապը 2015ի Ապրիլ 12ին, Վատիկանի Ս. Պետրոս Մայր տաճարին մէջ, Հայկական Ցեղասպանութեան 100ամեակին առիթով պատարագ պիտի մատուցէ. այս մասին հաղորդած է Արժանթինի «Փրեսնա-Արմէնիա» կայքը, որ կ՛աւելցնէ, թէ վերոնշեալ յայտարարութիւնը կատարած է Պուէնոս Այրեսի կարտինալ Մարիօ Փոլին, Օգոստոս 17ին, Պուէնոս Այրեսի հայ կաթողիկէ Ս. Նարեկ եկեղեցւոյ մէջ կայացած պատարագի մը ընթացքին:
«Հռոմի պապը դրական պատասխան տուած եւ ընդառաջած է Ցեղասպանութեան 100ամեակին նուիրուած պատարագ մատուցելու՝ Ներսէս Պետրոս ԺԹ.ի կողմէ ուղարկուած Հայ կաթողիկէ եկեղեցւոյ հրաւէրին», յայտարարած է Ս. Նարեկ եկեղեցւոյ հոգեւոր հովիւ Փապլօ Հաքիմեան:
Անցեալ տարուան Յունիսին, Ներսէս Պետրոս պատրիարքին հետ հանդիպման ընթացքին, պապը ընդունած էր նաեւ Ցեղասպանութենէն վերապրողի մը դուստրը: Պապը, լսելէ ետք անոր վկայութիւնը՝ ըսած էր. «Այդ մէկը 20րդ դարու առաջին ցեղասպանութիւնն էր»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top