Աւրորա Մարտիկանեանի «Յօշոտուած Հայաստան»ը՝ Հայերէնով

ՍՏԵՓԱՆԱԿԵՐՏ, «Արցախփրէս».– Հայոց Ցեղասպանութեան թանգարան-հիմնարկը հրատարակած է Աւրորա Մարտիկանեանի «Յօշոտուած Հայաստան» գիրքի հայերէն թարգմանութիւնը։
Թանգարան–հիմնարկին համաձայն՝ գիրքը կը ներկայացնէ Հայոց Ցեղասպանութիւնը վերապրած դեռատի հայուհիին՝ Աւրորա Մարտիկանեանի (Արշալոյս Մարտիկեան) յուշերը իր եւ իր տարագիր, բռնագաղթուած ժողովուրդին անցած տանջալից, անմարդկային փորձութիւններով լի ճամբուն մասին: Վերապրածներու հազարաւոր յուշ-պատմութիւններ կան՝ իրենց ժառանգորդներուն փոխանցուած, սակայն Աւրորայի պատմութիւնը ուշագրաւ առանձնայատկութիւն ունի. հրաշքով փրկուած Աւրորա Մարտիկանեանը կը հասնի Միացեալ Նահանգներ, ուր անոր պատմութեան հիման վրայ կը գրուի եւ 1918ին կը տպագրուի «Յօշոտուած Հայաստան» գիրքը: Նոյն թուականին մեծ պաստառ կը բարձրանայ բարեսիրական նպատակներով պատրաստուած «Յօշոտուած Հայաստան» («Հոգիներու Աճուրդ») համր ժապաւէնը, ուր Աւրորային վիճակուած էր մարմնաւորել իր իսկ կերպարը եւ դառնալու շարժապատկերի առաջին հայ դերասանուհին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top