Չերքեզներ Կը Խորհրդակցին 1915ի Շուրջ

 

Հայոց Ցեղասպանութեան դարադարձը՝ նախատեսուածներուն կողքին, նորայայտ հետեւանքներ եւս կը ստեղծէ Թուրքիոյ մէջ: Արդարեւ, Թուրքիոյ Չերքեզներու «Կուշիփս» պարբերականը Թուրքիոյ եւ աշխարհասփիւռ չերքեզ սփիւռքին ուղղեալ հետեւեալ երեք հարցումները պատրաստած է.
Ա. Որպէս Ցեղասպանութիւն ապրած ժողովուրդի մը անունով գործող հասարակական կազմակերպութիւն, ի՞նչ է Հայոց Ցեղասպանութեան մասին ձեր մտածումները:
Բ. Հայոց՝ 1915ին իրենց հայրենիքէն պոկուելուն մէջ չերքեզները ի՞նչ դերակատարութիւն ունեցան.
Գ. Հայ ժողովուրդին Ցեղասպանութեան ճանաչման համար տարած պայքարը չերքեզ հասարակութեան համար ալ օրինակ մը կրնա՞յ ըլլալ:
«Կուշիփս» պարբերականի խմբագիր Քուպան Քուրալի համաձայն՝ եկող պատասխանները կ՛ապացուցեն, թէ չերքեզ երիտասարդութիւնը շատ աւելի պայծառամիտ է բաղդատմամբ նախորդ սերունդներուն: Հարցաթերթիկի եկած պատասխանները շատերուն համար զարմանալի կը թուին, քանի որ անոնք ընդհանրապէս աւանդական մտայնութենէն բաւական շեղած են: Իսկ միւս կողմէ, կան նաեւ նախկին մտայնութիւններով խնդիրը վերապահութեամբ դիտողներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

Top