Տերսիմի Մէջ 3000ամեայ Հնավայր Եւ Հնագոյն Հայերէն Գրութիւն Յայտնաբերուած Է

Discovery

Discovery

 
ԵՐԵՒԱՆ.– Արեւմտեան Հայաստանի Մեծ Հայքի Ծոփք նահանգի Տերսիմ քաղաքին մօտ (այժմ Թունճելի) յայտնաբերուած է 3000ամեայ վաղեմութեան հնավայր եւ հայատառ գրութեամբ քար մը: Հետազօտող Սերքան Էրտողան՝ Պիթլիսի «Էրեն» համալսարանէն, եւ Թունճելիի մշակոյթի եւ զբօսաշրջութեան տնօրէն Իսմեթ Հաքան Ուլասօղլուն յայտնաբերած են Տերսիմի շրջանի այս հսկայական հնավայրը: Այս մասին կը գրէ Worldbulletin.net կայքը:

Հնավայրը մեծագոյնն է շրջանին մէջ: Անիկա կը ներառէ պատմական շերտեր երկաթէ դարէն, Վանի թագաւորութեան շրջանէն, հելլէնական շրջանէն եւ բիւզանդական շրջանէն: Յայտնաբերելով բազմաթիւ նիւթեր, խեցեղէն, պատմական կամուրջներ եւ կշռող սարքեր՝ հնագէտը այն կարծիքին է, որ տարածքը պատմական տարբեր ժամանակաշրջաններու եղած է արդիւնաբերական կեդրոն: Հնավայրը ֆութպոլի շուրջ երեք դաշտի չափ տարածք կ՛ընդգրկէ:

Հակառակ անոր, որ կը խօսուի հնավայրի ծաւալին եւ հարուստ նիւթերուն մասին, լրատուամիջոցը ընդհանրապէս չ՛անդրադառնար հնավայրին մէջ յայտնաբերուած քարի մը լուսանկարին՝ հրապարակուած իրեն կողմէ, եւ ուր պատկերուած քարին վրայ հնագոյն հայատառ գրութիւն կայ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

Top