Տարօն Աճէմօղլուն՝ Աշխարհի Ամէնէն Նշանաւոր Տնտեսագէտը

0801daron

ԵՐԵՒԱՆ, «Ազատութիւն».- Աշխարհահռչակ հայ տնտեսագէտ Տարօն Աճէմօղլուն գլխաւորած է տնտեսագիտական հետազօտութիւններու հրատարակութիւններով զբաղող RePEc (Research Papers in Economics) ակադեմական հարթակին կողմէ հրապարակուած տնտեսագէտներու վարկանշային ցանկը:0801daron

Հայ փրոֆեսէօրը առաջատար կը նկատուի հարթակի անդամ հանդիսացող 2223 տնտեսագէտներու տրուած գնահատականներուն հիման վրայ: Մեսեչուսեցի արհեստագիտական հիմնարկի փրոֆեսէօր Աճէմօղլու կրցած է շրջանցել բաւական նշանաւոր գիտնականներ, ինչպէս՝ «Հարվըրտ» համալսարանի տնտեսագէտ Անտրէյ Շլէյֆըրը, Շիքակոյի համալսարանի փրոֆեսէօր, Նոպէլեան մրցանակի դափնեկիր Ճէյմզ Հեքմանը եւ «Հարվըրտ» համալսարանի փրոֆեսէօր Ռապըրթ Պարօն:

1967 թուականին Պոլիս ծնած Տարօն Աճէմօղլու ուսանած է Կալաթասարայի վարժարանին մէջ, ապա կրթութիւնը շարունակած է Բրիտանիոյ Եորքի համալսարանին մէջ եւ Լոնտոնի տնտեսագիտական դպրոցին մէջ՝ ստանալով դոկտորի աստիճան: 2004 թուականէն Մեսեչուսեցի արհեստագիտական հիմնարկի փրոֆեսէօր է:

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top