Ատոմ Էկոյեանի Նոր Ժապաւէնը

unnamed

22222

Գանատահայ ականաւոր բեմադրիչ Ատոմ Էկոյեան պատրաստած է հրեաներու Ողջակիզման նուիրուած ժապաւէն մը, որ պիտի մասնակցի այս տարի Վենետիկի շարժապատկերի փառատօնին։

Ժապաւէնը, որուն խորագիրն է «Յիշեցէք», պիտի մրցի շուրջ 20 ժապաւէններու հետ, որոնք ներկայացուած են Վենետիկի Միջազգային շարժապատկերի փառատօնին։ Այս փառատօնը 72րդն է եւ պիտի կայանայ 2-12 Սեպտեմբեր։ Փառատօնին պիտի ներկայացուին 55 ժապաւէններ։

Էկոյեանի ժապաւէնի գլխաւոր դերակատարն է Քրիստոֆըր Փլամըր, որ ողջակիզումէ փրկուած է, ալզհայմըր հիւանդութեան բռնուած անձ մըն է։ Այս անձը ստուգած է իր ընտանիքի անդամները սպաննող նացիներուն անունները եւ ստանձնած է զանոնք սպաննելու պարտականութիւնը։
Սակայն ալզհայմըր հիւանդութեան պատճառած յիշողութեան կորուստին հետեւանքով, ամէն անգամ ան կը մոռնայ, թէ ինչո՞ւ սպաննել կ՛ուզէ այդ մարդիկը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top