Քըլըճտարօղլու Ահաբեկչութիւն Հրահրելու Յանցանքով Ամբաստանեց Էրտողանը

ՊՈԼԻՍ, «Մարմարա».- Թուրքիոյ նախագահ Էրտողան ընդդիմադիր շրջանակներու մօտ ընդվզում յառաջացուց, երբ չուզեց կառավարութիւն կազմելու պարտականութիւնը յանձնել Հանրապետական ժողովրդային կուսակցութեան ղեկավար Քեմալ Քըլըճտարօղլուին։

«Հիւրրիյէթ»ի թղթակցին հետ զրոյցի մը ընթացքին, Քըլըճտարօղլու Էրտողանը ամբաստանեց ահաբեկչութիւն հրահրելու յանցանքով։ Ան յիշեցուց, որ Էրտողան արդէն իսկ նախագահական իր երդումը դրժած է, երբ պաշտօնապէս ըսած է, որ ինք անկողմնակալ մէկը չէ ու փաստօէն իշխող կուսակցութեան ի նպաստ քարոզչութիւններ կատարած է։
Քըլըճտարօղլու, այլ մեղադրանքներու կարգին, մասնաւոր կերպով ծանրացաւ Էրտողանի «երանի նահատակներու ընտանիքներուն» խօսքին վրայ եւ ըսաւ. «Դուն քու զաւակներդ զինուորական ծառայութենէ կը փախցնես, իսկ երբ աղքատ մարդոց զաւակը պիտի նահատակուի, «երանի՜ այդ ընտանիքին» կ՛ըսես։ Լա՛ւ, ուրեմն դուն ինչո՞ւ բնաւ չփնտռեցիր նահատակի ընտանիք ըլլալու երջանկութիւնը»։
Քըլըճտարօղլու պնդեց, թէ Էրտողան պատճառ դարձաւ, որ վերաշխուժանայ ահաբեկչութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top