Համապատկեր Արեւմտահայ Գրականութեան Հատոր Բ.

0000ANTILIAS

0000ANTILIAS

ԱՆԹԻԼԻԱՍ.- Արամ Ա. վեհափառին հրամանով, Մեծի Տանն Կիլիկիոյ կաթողիկոսարանի տպարանէն Սեպտեմբեր ամսուան մէջ լոյս տեսաւ Յակոբ Օշականի «Համապատկեր Արեւմտահայ Գրականութեան, Հատոր Բ.»ի վերահրատարակութիւնը:
«Համապատկեր»ի առաջին հատորը ներկայացուց արեւմտահայ միտքին ճիգը, իսկ երկրորդ հատորը կը ներկայացնէ վաւերական գրագէտները:
«Համապատկեր Արեւմտահայ Գրականութեան Հատոր Բ.»ին մէջ կան գլխաւոր երեք ռոմանթիկ դէմքեր, որոնք՝ իրենց գրականութեան շարքին դասուած մանրամասնութիւններով, կերտեցին նոր միտքեր, նոր տեսիլքներ եւ կեանքի նոր ելեւէջներ:
Այդ դէմքերն են՝ հայր Ղեւոնդ Ալիշան, Մկրտիչ Պէշիկթաշլեան եւ Պետրոս Դուրեան:
Ռոմանթիկներէն Ալիշան քիչ չափով կը պատկանի Արեւմտահայ գրականութեան հարազատ յղացքին: Անոր քերթողական վաստակը դադրած է արդէն 1860ին, թուական՝ երբ լիութիւն է Մկրտիչ Պէշիկթաշլեան եւ երբ կը կազմաւորուի Պետրոս Դուրեան: 1870ը կը փակէ մեր ռոմանթիզմին անդրանիկ ու հարազատ բխումը:
«Համապատկեր Արեւմտահայ Գրականութեան Հատոր Բ.»ը Գէորգ Մելիտինեցի գրական մրցանակի հրատարակչութիւններու 80րդ հատորն է:
Սոյն հատորին խմբագրութիւնը կատարեց Մեծի Տանն Կիլիկիոյ կաթողիկոսութեան երէց միաբան Վարուժան արք. Հերկելեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top