«Ինծի Համար Մեծ Պատիւ Է Այս Գործին Մէջ Հայաստանը Ներկայացնելը». Ամալ Քլունի

1017amal

1017amal ԵՐԵՒԱՆ, «Հայերն Այսօր».- «Փերինչեք՝ ընդդէմ Զուիցերիա» գործով ՄԻԵԴի վճիռը արձանագրեց, որ Հայոց Ցեղասպանութիւնը պատմական անառարկելի իրողութիւն է, ինչ որ հայութեան համար յաղթանակ է: Աղմկայարոյց գործով վճիռի հրապարակումէն ետք, Հանրային հեռատեսիլի «Առաջին Լրատուական» ծառայութեան հետ ունեցած զրոյցին ընթացքին այս հաստատումը կատարած է իբրեւ երրորդ կողմ գործին մէջ ներգրաւուած Հայաստանի ներկայացուցիչ Ամալ Քլունի:

«Թուրքիան կրնայ շարունակել այդ իրողութեան ժխտումը, բայց այս որոշումէն ետք անոնք այլեւս չեն կրնար վկայակոչել Մարդու իրաւունքներու եւրոպական դատարանի ստորին պալատի վճիռը», ըսած է Քլունին:

Փաստաբանին համաձայն՝ թրքական ժխտողականութիւնը անհեռանկարային է, կը դանդաղեցնէ այդ երկրի հանրութեան առողջացումը եւ կը բարդացնէ հաշտութիւնը:

«Ինծի համար մեծ պատիւ էր Հայաստանը ներկայացնել այս գործին մէջ: Համոզուած եմ, որ հայերը հիմնականօրէն չեն մտահոգուիր Փերինչեքի հնչեցուցած արտայայտութիւններով: Հայերուն շատ աւելի սրտամօտ է Հռոմի պապին ուղերձը, որուն մէջ յստակնօրէն կը նշուի Հայոց Ցեղասպանութեան մասին: Միացեալ Նահանգներու նախագահ Պարաք Օպաման եւս, մինչեւ երկիրի ղեկի ստանձնումը, կը կիրարկէր Հայոց Ցեղասպանութիւն եզրը: Ես զգացուած եմ, որ դեր ունեցած եմ այս գործին մէջ», յայտնած է Քլունի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top