14ամեայ Հայ Պատանի Մը Եւ Հայուհի Մը Զոհուած Են Սուրիոյ Մէջ

1024avedisian

1024avedisian

ՀԱԼԷՊ, «Արեւելք».- Սուրիա-Թուրքիա սահմանային գիծին մօտ զոհուած է 14ամեայ հայ պատանի՝ Արմէն Ժիրայր Աւետիսեանը: Այս մասին «Արեւելք» տեղեկացած է Գամիշլիի իր աղբիւրներէն։ Պատանին իր ծնողներուն հետ ցամաքային ճանապարհը հատելով՝ կը փորձէր Թուրքիա մուտք գործել. ան զոհուած է կրակոցի մը պատճառով: Ըստ նախնական տեղեկութեանց՝ դէպքը տեղի ունեցած է սահմանային Ամուտա անցակէտին մօտակայքը: Միւս կողմէ, 60 տարեկան հայ կին մը սպաննուած է Ժըսըր Շըղուր-Եագուպիյէ շրջանին մէջ: Այս մասին տեղեկութիւնը հաղորդուած է «Ճապհաթ Նուսրա» ահաբեկչական խումբի գործունէութիւնը դատապարտող «Ֆէյսպուք»ի էջով: Հայուհին Մարին Մուսա Փանոսն է։ Ան պատերազմի ամէնէն թէժ հանգրուաններուն նոյնիսկ մերժած էր լքել իր տունը ու հեռանալ շրջանէն: Ըստ տեղեկութեան՝ ահաբեկիչները ձայնարգել ատրճանակով կրակ բացած են հայ կնոջ վրայ, որ աւելի ուշ մահացած է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top