21ամեայ Զինուոր Վարդան Վարդանեան Կը Սպաննուի Սահմանին Վրայ

1212Vartan

 

1212Vartan ԵՐԵՒԱՆ, «Երկիր».- Դեկտեմբեր 11ի առաւօտեան, Արցախի պաշտպանութեան բանակի արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, հակառակորդին կողմէ զինադադարի խախտումի հետեւանքով՝ հրազինային մահացու հարուած ստացաւ 21ամեայ զինուոր Վարդան Արթուրի Վարդանեանը:

ԼՂՀ պաշտպանութեան նախարարութիւնը յայտարարեց, թէ կը կիսէ կորստեան ծանր վիշտը՝ իր զօրակցութիւնը յայտնելով զոհուած զինուորի ընտանիքին:

Վարդան Վարդանեանի մօրեղբայրը՝ Արթուր Սարգսեան, յայտնած է, թէ Վարդան կը պատրաստուէր յաջորդ տարի իր ամուսնութեան: Վարդան 20 օր առաջ ծառայութեան վերադարձած էր՝ մէկամսեայ իր արձակուրդէն ետք:

Վարդան Վարդանեան Վայոց Ձորի մարզի Եղէգնաձոր քաղաքէն էր՝ տան աւագ որդին: Ան 2010ին ընդունուած էր Երեւանի Վազգէն Սարգսեանի անուան ռազմական հիմնարկը եւ 2014ին շրջանաւարտ ըլլալով՝ մեկնած էր ծառայութեան:

Արցախի նախագահ Բակօ Սահակեան Վարդան Վարդանեանը յետ մահու պարգեւատրեց «Մարտական Ծառայութիւն» շքանշանով։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top