«Այսօր Ունենք Հզօր Բանակ, Խիզախ Զինուորներ». Հրանոյշ Յակոբեան

1229hranoush

1229hranoush

ԵՐԵՒԱՆ, «Փանորամա».– Հայաստանի սփիւռքի նախարար Հրանոյշ Յակոբեան այցելած է Տաւուշի մարզին մէջ տեղակայուած զինուորական թիւ N զօրամաս:
Ողջունելով զօրամասի հրամանատարական կազմն ու զինուորները՝ նախարար Հրանոյշ Յակոբեան Հայաստանի կառավարութեան անունով շնորհաւորած է զինուորներն ու հրամանատարական կազմը՝ Ամանորի եւ Սուրբ Ծննդեան առիթով եւ մաղթած խաղաղութիւն, սէր ու համերաշխութիւն, ուժ ու կորով:
Ան ըսած է. «Սիրելի՛ երիտասարդներ, ամէն ժամ հայ ժողովուրդը Հայաստանում, Արցախում եւ Սփիւռքում սպասում է բարի լուրերի ձեր ծառայութեան ու խիզախութեան մասին: Այսօր ունենք հզօր բանակ, խիզախ զինուորներ: Մենք հպարտանում ենք ձեր քաջութեամբ, հակառակորդին համարժէք պատասխան տալու ձեր վճռականութեամբ, Հայաստանի սահմանների ամբողջականութիւնը պաշտպանելու պատրաստակամութեամբ ու խիզախ կեցուածքով»:
Նախարար Յակոբեան զրուցած է զինուորներուն հետ, հետաքրքրուած անոնց առօրեայով, յորդորած շատ կարդալ, աչալուրջ եւ զգօն ըլլալ: Այնուհետեւ նախարարը այցելած է զօրանոց, ծանօթացած զինուորներուն կենցաղային պայմաններուն:
Հրաժեշտին սփիւռքի նախարարը զինուորներուն եւ հրամանատարական կազմին մաղթած է բարի ծառայութիւն եւ խաղաղ երկինք:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top