Սուրիահայ Աւետիս Գաբրիէլեանի Ֆիլմը Պիտի Ցուցադրուի Փրակի Շարժապատկերի Փառատօնին

0000KAPRIELIAN

 

0000KAPRIELIAN

 

Մարդու իրաւունքներու պաշտպանութեան նուիրուած 18րդ «Մէկ Աշխարհ» (ONE World) միջազգային վաւերագրական ֆիլմերու փառատօնին այս տարի 13 անուանակարգերու մէջ պիտի ցուցադրուին 123 ֆիլմեր 62 երկրներէ: Փառատօնը պիտի կայանայ Մարտ 7էն 16, Փրակի մէջ:

Ֆիլմերը պիտի ցուցադրուին Չեխիոյ 34 քաղաքներու, նաեւ Պրիւքսէլի մէջ: Այս տարի տեղի պիտի ուենան նաեւ քննարկումներ եւ պիտի ցուցադրուին ֆիլմեր դպրոցական տարիքի երեխաներու համար:

Առաջին անգամն ըլլալով փառատօնին իր ֆիլմը պիտի ներկայացնէ 30ամեայ սուրիահայ բեմադրիչ Աւետիս Գաբրիէլեան: Ան իր «Առանց Դռներու Տուները» ֆիլմը քանի մը տարիներու ընթացքին նկարահանած է Հալէպի մէջ՝ ցոյց տալով պատերազմի դէմքը: Նկարահանումները կատարած է իրենց տան պատշգամէն: Ֆիլմը այս տարի ցուցադրուած է նաեւ Պերլինի փառատօնին: Աւետիսը պիտի ըլլայ փառատօնի 100է աւելի հիւրերու շարքին:

Փառատօնին տեղի  պիտի ունենան 26 ֆիլմերու համաշխարհային անդրանիկ ցուցադրութիւնները, նաեւ պիտի կը ներկայացուին այս տարուան ամերիկեան «Օսկար»ին առաջադրուած երեք ֆիլմեր:

Նշենք, որ միայն անցեալ տարի Կեդրոնական Եւրոպայի ամենամեծ վաւերագրական ֆիլմերու փառատօնին՝ «Մէկ Աշխարհ»ի, ֆիլմերը դիտած է 123 հազար մարդ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top