Տեմիրպաշի Դէմ Հետաքննութիւն՝ Հայաստանի Նախագահին Հետ Հանդիպելուն Համար

0404demirbash

0404demirbash

ՊՈԼԻՍ, «Մարմարա».- Տիգրանակերտի Սուր շրջանի նախկին քաղաքապետ Ապտուլլահ Տեմիրպաշի դէմ հետաքննութիւն բացուած է՝ առանց կառավարութենէն արտօնութիւն ստանալու Հայաստանի նախագահին հետ հանդիպում մը ունենալուն պատճառով։

Տեմիրպաշ 2004-2014 թուականներու միջեւ Սուրի քաղաքապետի պաշտօնը վարած էր։ Անոր եւ նախագահ Սերժ Սարգսեանի միջեւ հանդիպումը կայացած էր Օգոստոս 4, 2015ին. Տեմիրպաշ Սարգսեանի հրաւէրով Հայաստան այցելած թրքական պատուիրակութեան անդամ էր։

Հետաքննութեան թղթածրարին մէջ կը նշուի, որ Սարգսեանի հետ այս հանդիպումին դէմ իբրեւ պատիժ առաջարկուած է երեք տարիով կասեցնել անոր պաշտօններու յառաջխաղացումը եւ տուգանք սահմանել անոր դէմ։ Տեմիրպաշ կը մեղադրուի նաեւ անոր համար, որ իր այցելութենէն տեղեակ չէ պահած նաեւ իր պաշտօնավարած դպրոցին տնօրէնը։

Տեմիրպաշ նշած է, որ Հայաստան մեկնած է ամառնային արձակուրդի օրերուն, հետեւաբար դպրոցի տնօրէնը տեղեկացնելու անհրաժեշտութիւն չկար եւ դիտել տուած է, որ Սերժ Սարգսեան զինք հրաւիրած է որպէս Սուր շրջանի նախկին ղեկավար, ընդգծելով որ հանդիպումը Թուրքիոյ օրէնսդրութեան համաձայն յանցանք չէ։

Տեմիրպաշ նշած է, որ եթէ իր ինքնապաշտպանութիւնը անհրաժեշտ արդիւնք չտայ ու Թուրքիոյ մէջ իրաւական մարմինները չջնջեն իրեն դէմ մեղադրանքը, ապա իր յաջորդ քայլը պիտի ըլլայ այս հարցը հասնցել Եւրոպայի մարդկային իրաւանց դատարան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top