Արցախի Տագնապի Կարգաւորման Գծով Յառաջդիմութեան Կարելիութիւն Կայ. Մամետեարով

0831mamed

0831mamedԵՐԵՒԱՆ, «Ազատութիւն».- «Ս. Փեթերսպուրկի մէջ Ռուսիոյ նախագահի միջնորդութեամբ կայացած (Հայաստանի եւ Ատրպէյճանի նախագահներու) հանդիպումէն ետք, ղարաբաղեան տագնապի կարգաւորման բանակցութիւնները կարծես ճիշդ ճամբու վրայ են», Օգոստոս 29ին, Թիֆլիսի մէջ ըսած է Ատրպէյճանի արտաքին գործոց նախարար Էլմար Մամետեարով, նշեալ հանդիպումը բնութագրելով իբրեւ բանակցային գործընթացին մէջ «կարեւոր դրուագ»:

«Տրամադրուածութիւն եւ համոզում կայ, որ մենք ճիշդ ուղղութեամբ կը շարժինք, ինչ որ կրնայ բանակցային գործընթացին մէջ յառաջդիմութեան առաջնորդել: Կը կարծենք, որ նման կարելիութիւն կայ: Խնդիրը շատ յստակ է. մենք զայն կ՛անուանենք «փոխշահաւէտ իրավիճակ», երբ ստեղծուած կացութենէն շահով կրնան դուրս գալ ոչ միայն անոնք, որոնք ենթարկուած են ցեղային զտումի եւ դարձած են ներքին տեղահանուածներ, այլեւ՝ պետութիւններն ու կառավարութիւնները: Այս բոլորը կրնան փոխշահաւէտ համագործակցութեան հսկայական կարելիութիւններ ստեղծել», նշած է Մամետեարով՝ պնդելով, որ տագնապի լուծման հիմնական գործօնը քաղաքական կամքն է։

Վրաստան իր այցելութեան ընթացքին, Մամետեարով քննարկած է իրականացուող ուժանիւթային եւ փոխադրական համատեղ նախագիծերը՝ սկսելով Պաքու-Թիֆլիս-Կարս երկաթուղիի ծրագիրէն։ Մամետեարովի համոզումով, Հայաստանը շրջանցող այս երկաթուղիի շինարարութիւնը աւարտին պիտի հասնի յառաջիկայ ամիսներուն։ Կողմերը նաեւ որոշած են 15 երկկողմանի համաձայնագիրներ մշակել:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Ստախօսութիւն եւ ապատեղեկատուութին է: Մենք լաւ կը ճանչնանք խօսողը, իսկ Թիֆլիսցիները թըֆնիսութենէ բան չեն հասկնար, եւ կը խաբուին:

*

Top