Ատրպէյճանցի Ընտանիքը Հայաստանի Իշխանութիւններէն Ապաստան Խնդրած Է

0408Tigran-Balayan

 

0408Tigran-Balayan

ԵՐԵՒԱՆ.- Հայաստանի Հանրապետութեան արտաքին գործոց նախարարութիւնը յայտարարած է Ատրպէյճանէն Շահին Միրզոյեւի եւ անոր ընտանիքին՝ Հայաստան փախչելու եւ Հայաստանի իշխանութիւններէն ժամանակաւոր ապաստան խնդրելու մասին:

«Արմէնփրէս» լրատու գործակալութիւնը ներկայացուցած է արտաքին գործոց նախարարութեան բանբեր Տիգրան Բալայեանի յայտարարութիւնը, ուր կ՛ըսուի. «Հայաստանի իշխանութիւններուն  դիմած է Շահին Միրզոյեւ՝ խնդրելով իրեն տրամադրել ժամանակաւոր ապաստան, քանի որ հանդիսանալով Թալիշական մշակոյթի խորհուրդի անդամ, Թալիշական ազատագրական շարժման մասնակից, «Թոլիշի Սատօ» թերթի թղթակից՝ ստիպուած եղած է փախչիլ Ատրպէյճանէն՝ ազգային եւ կրօնական փոքրամասնութիւններու նկատմամբ բռնաճնշումներու եւ անոնց իրաւունքներու կոպտագոյն ոտնահարումներու պատճառով, եւ ընտանիքով հասած է Հայաստան: Հայաստանի իշխանութիւնները դրական արձագանգած են Շահին Միրզոյեւի խնդրանքին»:

 

 

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top