Խաղաղութիւնը Հիմնովին Պիտի Փոխէ Ամէն Ինչ. Ուորլիք

0301Warlick

0301Warlick

ՈՒԱՇԻՆԿԹԸՆ, «Ամերիկայի Ձայն».- Միջազգային միջնորդները պէտք է օգնեն ղարաբաղեան հակամարտութեան կողմերուն, որ անոնք յարգեն հրադադարը. «Ամերիկայի Ձայն»ին հետ բացառիկ հարցազրոյցի մը ընթացքին այսպէս ըսած է ԵԱՀԿ Մինսկի խմբակի նախկին համանախագահ դեսպան Ճէյմզ Ուորլիք։

«Անհրաժեշտ է յարգել հրադադարը, անհրաժեշտ է իրավիճակը հանդարտեցնել, առաջին հերթին՝ կեանքեր փրկելու համար, սակայն նաեւ՝ բանակցային գործընթացը առաջ տանելու նպատակով: Քանի դեռ կը շարունակուին պատերազմական գործողութիւնները, շատ բարդ է յառաջխաղացք արձանագրելը», աւելցուցած է ան:

Գնահատելով Մինսկի խմբակի համանախագահներու վերջին յայտարարութիւնը՝ Ուորլիք ընդգծած է, որ միջնորդները ջանքեր չեն խնայեր օգնելու կողմերուն, որ անոնք յարգեն զինադադարի պայմանները եւ խուսափին յաւելեալ զոհերէ։

«Յոյս ունիմ, որ նախագահները կը համաձայնին հանդիպիլ, եւ այդ ձեւով բանակցային գործընթացը յառաջ կ՛ընթանայ: Դեկտեմբերի վերջերը, երբ ես հեռացայ համանախագահի պաշտօնէն, սեղանին վրայ հետաքրքրական առաջարկներ կային։ Անոնք այնպիսի առաջարկներ էին, որոնք երկու կողմերուն միջեւ քննարկման հնարաւորութիւններ կը ստեղծեն», շեշտած է ան:

Նախկին դիւանագէտը, որ այսօր Ուաշինկթընի մէջ ռուսական մեծագոյն իրաւաբանական հիմնարկի խորհրդատու է, մանրամասնութիւններ ներկայացուցած է նաեւ իր դիւանագիտական աշխատանքին մասին՝ աւելցնելով, որ մինչեւ այսօր չեն բացայայտուած Ապրիլի քառօրեայ պատերազմին բոլոր մանրամասնութիւնները։

«Ապրիլին տեսանք մեծաթիւ զոհեր, եւ նոյնիսկ այսօր ես համոզուած չեմ, որ մենք յստակ գիտենք, թէ որքա՛ն զոհ եղած է», ըսած է ան:

Սակայն, Ուորլիք նշած է, որ պատերազմը պէտք է անցեալին մէջ պահել եւ այժմ կեդրոնանալ խաղաղութեան վրայ։

«Խաղաղութիւնը ամէն ինչ պիտի փոխէ: Անիկա ամէն ինչ պիտի փոխէ տարածաշրջանին մէջ: Հայաստանի համար, անիկա պիտի փոխէ ամբողջ հանրութեան հիմունքները», եզրակացուցած է Ուորլիք։

 

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top