Արցախի Արտաքին Գործոց Նախարարը Կը Հանդիպի Յունաստանի Քաղաքական Ուժերու Ներկայացուցիչներու Հետ

0316mirzoyan

 

ԱԹԷՆՔ.- Յունաստան կատարած աշխատանքային այցի ծիրէն ներս, Արցախի արտաքին գործոց նախարար Կարէն Միրզոյեան 15 Մարտին հանդիպումներ ունեցաւ Յունաստանի խորհրդարանին մէջ ներկայացուած շարք մը քաղաքական ուժերու ներկայացուցիչներու հետ:

Նախարար Միրզոյեան հանդիպեցաւ «Անկախ յոյներ» կուսակցութեան փոխնախագահ Լիանա Քանելիի (Կոմունիստական կուսակցութիւն), Սիլվանա Ռապտիի (ՓԱՍՕՔ Համայունական ընկերվարական շարժում), Էվի Խրիստոֆիլոփուլուի («Դեմոկրատական համախմբում» կուսակցութիւն), Կէորկիոս Քումուցաքոսի («Նոր ժողովրդավարութիւն» կուսակցութիւն) հետ:

Արցախի արտաքին գործոց նախարարը յոյն խորհրդարանականներուն ներկայացուց Արցախի իրավիճակը, ինչպէս նաեւ անդրադարձաւ ատրպեճանա-ղարաբաղեան հակամարտութեան խաղաղ կարգաւորման գործընթացի ներկայ փուլին եւ Արցախի իշխանութիւններուն կողմէ ձեռնարկուող քայլերուն՝ ուղղուած բանակցային գործընթացի վերսկսման պայմաններու ապահովման:

Անդրադառնալով Արցախի մէջ պետականաշինութեան գործընթացին եւ այդ ուղղութեամբ արձանագրուած ձեռքբերումներուն եւ վերջին զարգացումներուն՝ Միրզոյեան ընդգծեց Արցախի Հանրապետութեան ժողովուրդին եւ իշխանութիւններուն հաստատակամութիւնը՝ ամրապնդելու ժողովրդավարական արժէքներու եւ սկզբունքներու վրայ հիմնուած անկախ պետականութիւնը:

Հանդիպումներուն ընթացքին միտքեր փոխանակուեցան խորհրդարանական դիւանագիտութեան ձեւաչափով համագործակցութեան հնարաւորութիւններու եւ հեռանկարներու շուրջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top