Ամերիկեան Հրթիռային Յարձակում Մը Աւելի Քան 40 Զոհ Կը Խլէ Հիւսիսային Սուրիոյ Մէջ

0318syr

0318syrԴԱՄԱՍԿՈՍ, «Ա.Էֆ.Փէ.».- Մարտ 16ին, ամերիկեան ռազմական օդանաւէ արձակուած հրթիռ մը ինկած է հիւսիսային Սուրիոյ Ճինա գիւղը՝ առնուազն 46 զոհ խլելով:

Զոհերուն մեծ մասը երեկոյեան աղօթքի պահուն մզկիթի մը մէջ հաւաքուած քաղաքայիններ էին։ Աւելի քան հարիւր ուրիշներ վիրաւորուած են:

Մարտ 17ին, Միացեալ Նահանգներու զինուած ուժերու հրամանատարութիւնը հաստատեց, թէ իր ուժերը ռմբակոծած են շրջանը՝ սպաննելով «Քայիտա»ի անդամ քանի մը կասկածելիներ։ Հրամանատարութիւնը միաժամանակ հերքած է այն պնդումները, թէ Հալէպ նահանգին մէջ գտնուող նշեալ մզկիթը դիտմամբ թիրախ ընտրուած էր:

Ամերիկեան զինուած ուժերու կեդրոնական հրամանատարութեան մամլոյ խօսնակ Ճան Թամըս յայտարարած է. «Մեր թիրախը մզկիթը չէր, սակայն այն շէնքը, ուր մեծ թիւով ահաբեկիչներ կը գտնուէին, նշուած մզկիթէն միայն 50 ոտք հեռու էր, եւ անիկա տակաւին կանգուն կը մնայ»:

Նշենք, որ Հալէպ քաղաքէն 30 քլմ. հեռու գտնուող Ճինա գիւղը կը գտնուի իսլամ ծայրայեղականներու եւ սուրիացի ընդդիմադիրներու տիրապետութեան տակ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top