«Խոստումը» Ֆիլմի Հոլիվուտեան Առաջին Ցուցադրութիւնը Կ՛օգտագործուի Բարեգործական Նպատակով

0318promise

 

0318promiseՀՈԼԻՎՈՒՏ, «ՓանԱրմինիըն».- Յայտնի ռոք երաժիշտ, System of a Down խումբի մենակատար Սերժ Թանքեան Հայոց Ցեղասպանութեան մասին «Խոստումը» ֆիլմը պատրաստողներուն հետ համատեղ բարեգործական ձեռնարկ կազմակերպած է ֆիլմի առաջին ցուցադրութեան ներկայ ըլլալու հնարաւորութիւնը դնելով բարեգործական մրցոյթի:

«Կը փափաքինք ձեզ հրաւիրել «Խոստումը» ֆիլմի առաջին ցուցադրութեան: Դուք կը հանդիպիք ինծի, Քրիս Քորնելին, Քրիստիան Պէյլին, կը քալէք կարմիր ուղեգորգին վրայ, կը մասնակցիք VIP երեկոյթին», գրած է Թանքեան իր «ֆէյսպուք»ի էջին վրայ:

Երեկոյթին մասնակցելու համար փափաքողները պէտք է որոշ գումար նուիրեն եւ համապատասխան տոմսակ ստանան՝ ցու-ցադրութեան մասնակցելու համար:

Հանգանակութիւնը կը կատարուի Հայ Բարեգործական Ընդհանուր Միութեան հետ համատեղ Omaze.com կայքի ծառայութեան անունով:

Հանգանակուած ամբողջ գումարը պիտի յատկացուի Սուրիոյ եւ Իրաքի պատերազմներէն տուժած եւ հակամարտութեան գօտիներու մէջ ապրող հազարաւոր հայ ընտանիքներու:

Յաղթողները անվճար կը ստանան դէպի Լոս Անջելես օդանաւի տոմս եւ 4աստղանի հիւրանոց մնալու հնարաւորութիւն, ինչպէս նաեւ «Խոստումը» ֆիլմի առաջին ցուցադրութեան  (Grauman սրահի մէջ) հրաւիրատոմս: Հրաւիրեալները պիտի կարենան նաեւ հանդիպիլ Անժելա Սարաֆեանի եւ ֆիլմի բեմադրիչ Թերի Ճորճի հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top