Պաքու Կը Բողոքէ Արցախի Նախարարին Յունաստան Այցելութեան Դէմ

63710

 

63710ՊԱՔՈՒ, «Էյ.Փի.Էյ.».- Ատրպէյճանի արտաքին գործոց նախարարութիւն կանչուած է Պաքուի մօտ Յունաստանի դեսպան Տիմիթրոս Ցունկասին եւ անոր բողոք ներկայացուած է՝ «ատրպէյճանական գրաւեալ տարածքներուն մէջ ստեղծուած անջատողական կառավարութեան ներկայացուցիչին» Յունաստան կատարած այցելութեան առնչութեամբ։

Յիշեցնենք, որ Արցախի արտաքին գործոց նախարար Կարէն Միրզոյեան անցեալ շաբաթ Յունաստան այցելած էր, տեսակցութիւններ ունենալու համար շարք մը քաղաքական գործիչներու եւ հայ համայնքին հետ։

Ատրպէյճանի արտաքին գործոց նախարարութեան մամլոյ ծառայութեան ղեկավար Հիքմեթ Հաճիեւ աւելի ուշ յայտարարեց, թէ յոյն դեսպանը յայտնած է, որ Յունաստան կ՛աջակցի Ատրպէյճանի ինքնիշխանութեան եւ տարածքային ամբողջականութեան՝ խոստանալով Աթէնքին փոխանցել ատրպէյճանական կողմի դժգոհութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top