Կարօ Փայլան Թուրք Նախարարէն Պարզաբանում Պահանջած Է Պատրիարքական Տեղապահի Ընտրութեան Միջամտութեան Համար

0321garopaylan

0321garopaylanՊՈԼԻՍ.- Պոլսոյ Հայոց պատրիարքական տեղապահի ընտրութենէն ետք Պոլսոյ նահանգապետարանէն ստացուած գրութեան հետ կապուած Ժողովուրդներու ժողովրդավարական կուսակցութեան հայ պատգամաւոր Կարօ Փայլան նամակ յղած է ներքին գործոց նախարար Սուլէյման Սոլիւին:

Ըստ Թրքական «Պիանեթ» թերթին՝ Կարօ Փայլան ներքին գործոց նախարարէն բացատրութիւն պահանջած է, թէ ի՛նչ իրաւական հիմքերով Պոլսոյ նահանգապետարանը պատրիարքական տեղապահի ընտրութենէն ետք ուղարկած է գրութիւն, ուր նշուած է, որ իբրեւ թէ տեղի ունեցած ընտրութիւնն ու յառաջիկային կազմակերպուելիք պատրիարքի ընտրութիւնը իրաւական հիմքեր չունին:

Նշենք, որ Պոլսոյ պատրիարքական տեղապահի ընտրութենէն ետք, երբ պարզուած է, որ յաղթած է Գերմանիոյ Հայոց թեմի առաջնորդ Գարեգին արք. Պեքճեանը, Պոլսոյ պատրիարքական փոխանորդ Արամ արք. Աթէշեան լրագրողներուն ցոյց տուած է գրութիւն մը, ուր Պոլսոյ նահանգապետարանը ոչ-իրաւական համարած է տեղի ունեցած գործընթացը:

Տեղապահի ընտրութենէն ետք Արամ արք. Աթէշեան կը մերժէ հրաժարական տալ, որ  պատճառ կը դառնայ պոլսահայ համայնքը լարուած վիճակի մէջ պահելուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top