Մեսեչուսեցի Մէջ Արցախի Հիմնահարցին Նուիրուած Կլոր Սեղան-Զրոյց

0000MASACHUSSETTS

0000MASACHUSSETTS

 

ՄԵՍԵՍՉՈՒՍԵՑ.- Հինգշաբթի, 9 Մարտին, Պոսթընի հանրածանօթ «Էմ.Այ.Թի» (MIT) համալսարանին մէջ, նոյն համալսարանի հայ աշակերտներու հիմնարկին, Հայագիտական ուսումնասիրութիւններու կեդրոնին (NAASR) եւ Լիզպոնի «Գալուստ Կիւլպէնկեան» հիմնարկին կազմակերպութեամբ տեղի ունեցաւ կլոր սեղան-զրոյց մը, որուն նիւթն էր Արցախի հիմնահարցը:

Զրուցավարն էր «Թիւֆենքեան» հիմնարկի տնօրէն Անդրանիկ Գասպարեան, իսկ կլոր սեղանի մասնակցողներն էին Անի Սարգսեան («Ֆլեչըր» համալսարան յաճախած եւ Արցախի արտաքին գործոց նախարարութեան բանբեր), Ռուբէն Մելիքեան («Ֆլեչըր» համալսարան յաճախած եւ քաղաքական միջնորդ) եւ Միացեալ Նահանգներու մօտ,Հայաստանի Հանրապետութեան նախկին դեսպան Ռուբէն Շուկարեան (այժմ «Թաֆթս» համալսարանի դասախօս):

Հայագիտական ուսումնասիրութիւններու կեդրոնի (NAASR) ներկայացուցիչ Մարք Մամիկոնեան կատարեց բացումը, եւ բեմ հրաւիրեց բանախօսները, որոնք մանրամասնօրէն ներկայացուցին իրենց զեկուցումները:

Մելիքեան բազմաթիւ օրինակներով ներկայացուց թէ Ատրպէյճան չէ յարգած միջազգային օրէնքները՝ շարունակ չարչարելով եւ նոյնիսկ գլխահատելով անշունչ հայորդիներու դիակներ:

Անի Սարգսեան, իր կարգին, շեշտեց, թէ Պաքու շարունակ կը մերժէ զինաթափ ընել արձակազէնները:

Նախկին դեսպան Շուկարեան անդրադարձաւ Ատրպէյճանի վարած քաղաքականութեան: Ան շեշտեց, թէ Ալիեւի ղեկավարութիւնը կը փորձէ կրօնական բնոյթ տալ հիմնահարցին, որ շատ աւելի վտանգաւոր կացութիւններ կը ստեղծէ:

Աւարտին, զրուցավար Անդրանիկ Գասպարեան առիթ տուաւ հարց-պատասխաններու, որ տեւեց աւելի քան երեսուն վայրկեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top