Ապրիլ 24ի Ոգեկոչման Ձեռնարկին Պիտի Մասնակցի Նաեւ Ֆրանսայի Նախագահը

0415Holland

0415Holland

ԵՐԵՒԱՆ, «Արմէնփրէս».- Հայոց Ցեղասպանութեան 102րդ ամեակին առթիւ, Ապրիլ 24ին Ֆրանսայի մէջ կայանալիք յիշատակի ձեռնարկին նախատեսուած է մասնակցութիւնը Ֆրանսայի նախագահ Ֆրանսուա Հոլանտի. այս մասին կը տեղեկացնէ Ֆրանսայի Հայ Դատի յանձնախումբի ատենապետ Յարութ Մարտիրոսեան:

«Ապրիլ 24ի յիշատակի հիմնական ձեռնարկը պիտի իրականացուի Կոմիտասի կիսանդրիին շուրջ: Ձեռնարկին պիտի մասնակցի Ֆրանսայի նախագահ Ֆրանսուա Հոլանտ: Նախատեսուած է նաեւ Ֆրանսայի նախագահին ելոյթը: Ատիկա պիտի ըլլայ Հայոց Ցեղասպանութեան յիշատակի ձեռնարկի արտասանուած անոր վերջին խօսքը՝ իբրեւ Ֆրանսայի նախագահ», կը նշէ Յարութ Մարտիրոսեան:

Մարտիրոսեան կը յայտնէ նաեւ, որ սոյն ձեռնարկին հրաւիրուած են նաեւ Ֆրանսայի նախագահական ընտրութիւններուն առաջադրուած թեկնածուները, որոնք եւս կրնան ելոյթ ունենալ:

Ոգեկոչման ձեռնարկներու ծիրէն ներս նախատեսուած է նաեւ քայլարշաւ մը, որ տեղի պիտի ունենայ Ապրիլ 22ին: Նկատի ունենալով, որ Ապրիլ 23ը Ֆրանսայի նախագահական ընտրութիւններու առաջին փուլն է, այդ օրը հայկական համայնքային ձեռնարկներ պիտի չկազմակերպուին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top