ՀՕՄի Ընկերային Ծառայութեան Նորթ Հոլիվուտի Գրասենեակը Վերաբացուեցաւ

ars new logo 2008

 

ars new logo 2008ՍԹԻՒՏԻՕ ՍԻԹԻ.- Հայ Օգնութեան Միութեան Արեւմտեան Ամերիկայի Շրջանային վարչութիւնը ուրախութեամբ կը հաղորդէ, թէ Ապրիլ 1, 2017էն ի վեր, ՀՕՄի Ընկերային ծառայութեան Նորթ Հոլիվուտի գրասենեակը վերսկսած է իր ծառայութիւնները մատուցելու անբաւարար եկամուտ ունեցող անհատներու:

Գրասենեակի որակեալ պաշտօնէութիւնը պատրաստ է ընկերային ծառայութիւն մատուցելու case management-ի, հարցաթերթիկներու ամբողջացման (քաղաքացիութիւն, տնային, բարեկեցութեան, եւ այլն), աշխատանքային տեղեկութիւն եւ ուղղութիւն-դիմումներու պարագաներուն համար:

Այս ծրագիրը կ՛իրագործուի Լոս Անճելըսի քաղաքապետութեան տրամադրած Urban Development Action Grant-ին միջոցաւ:

ՀՕՄի Ընկերային ծառայութեան Նորթ Հոլիվուտի գրասենեակը կը գտնուի 11719 Moorpark St, Studio City, California հասցէին: Անիկա բաց է առաւօտեան ժամը 9էն մինչեւ կէսօրէն ետք ժամը 3: Յաւելեալ մանրամասնութիւններու համար, կարելի է դիմել ՀՕՄի Նորթ Հոլիվուտի գրասենեակ՝ (818) 487-3985 թիւով: Կարելի է հեռաձայնել նաեւ ՀՕՄի Ընկերային ծառայութեան գլխաւոր գրասենեակ՝ (818) 241-7533 թիւով:

Հայ Օգնութեան Միութեան Ընկերային ծառայութեան գրասենեակները ՀՕՄի Ամերիկայի Արեւմտեան շրջանի բաժանմունքներէն են, որոնց առաքելութիւնն է բարելաւել կարիքաւորներու կեանքի մակարդակը եւ ընկերային պայմանները:

Կլենտէյլի, Փասատինայի, Հոլիվուտի, Պըրպենքի եւ Նորթ Հոլիվուտի իր գրասենեակներով, ՀՕՄի Ընկերային ծառայութիւնը բնակչութեան կը ծառայէ՝ տրամադրելով անոնց գործի կառավարում, աշխատանքի զարգացում, տեղեկատուութիւն-ուղղորդումներ, հարցաթերթիկներու ամբողջացում, ընկերային ընդհանուր ծառայութիւն, իրաւունքի պաշտպանում, փոխադրամիջոց եւ տօնական օրերու նուէր-ուտելիք:

 

(Հաղորդագրութիւնը՝ ՀՕՄի Արեւմտեան Ամերիկայի

Շրջանային Վարչութենէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top