Ֆրանսայի Նախագահութեան Թեկնածու Մաքրոն Կը Խոստանայ Ցեղասպանութեան Ուրացման Քրէականացումը Իրագործել

0421Macron

0421Macron

ՓԱՐԻԶ.- «Նուվել տ՛Արմէնի»ի հետ հարցազրոյցի մը ընթացքին, Ֆրանսայի նախագահութեան թեկնածու եւ տնտեսութեան նախկին նախարար Էմանուէլ Մաքրոն յայտարարած է, թէ նախագահ ընտրուելու պարագային պիտի շարունակէ Հայոց Ցեղասպանութեան զոհերու յիշատակի ոգեկոչման աւանդոյթը:

«Ապրիլ 24ը կարեւոր խորհրդանիշ է. անիկա կ՛ոգեկոչէ 1915ի Ապրիլ 24ին, Պոլսոյ մէջ, 600 հայ մտաւորականներու աքսորն ու սպանութիւնը եւ առաջին ցեղասպանութեան սկիզբը: Ես համաձայն եմ, որ այդ օրը ներառուի մեր օրացոյցին մէջ՝ իբրեւ Հայոց Ցեղասպանութեան զոհերու յիշատակման օր», նշած է Մաքրոն:

Ֆրանսայի նախագահի թեկնածուն ընդգծած է նաեւ այդ երկրի հայ համայնքին կարեւոր դերը՝ Ցեղասպանութեան ճանաչման գործին մէջ: «Կ՛աջակցիմ անոնց պայքարին: Ցեղասպանութեան ճանաչման համար, սերունդներու պայքար պահանջուեցաւ անոնցմէ: Անոնք շարունակաբար պահանջներ կը ներկայացնէին, եւ անոնց ջանքերը պտուղներ տուին: Յիշենք նաեւ 2016ին Գերմանիոյ խորհրդարանին մէջ տեղի ունեցած պատմական քուէարկութիւնը: Ֆրանսայի մէջ ցարդ կարելի չեղաւ հասնիլ Ցեղասպանութեան ուրացման քրէականացման, իսկ Սահմանադրական խորհուրդին որոշումը բազմաթիւ թիւրըմբռնումներու տեղի տուաւ: Համոզուած եմ, որ անհրաժեշտ է շարունակ աշխատիլ այս ուղղութեամբ: Իրաւունքն ու յիշողութիւնը պէտք չէ ըլլան անհամատեղելի», ըսած է Էմանուէլ Մաքրոն:

Նշենք, որ Մարքոն անցեալ տարուան Ապրիլին կազմեց «Յառաջ» կուսակցութիւնը, որ ընկերվար-ազատական գաղափարախօսութիւն ունի։ Ան նախապէս եղած է Ֆրանսայի Ընկերվարական կուսակցութեան անդամ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top