«Պատիւ Ունեմ», «Ես Եմ». Պաշտպանութեան Նախարարութիւնը Երկու Նոր Ծրագիր Կը Ներկայացնէ

0421arms2

0421arms2ԵՐԵՒԱՆ.- «Ազգ-բանակ-2017» խորագիրով ցուցահանդէսի ծիրին մէջ Կարէն Դեմիրճեանի անուան մարզահամերգային համալիրի տարածքին Ապրիլ 21-23 պիտի գործէ ցուցահանդէս մը, ուր կրթական ոլորտի շարք մը առաջատար հաստատութիւններ պիտի ծանօթացնեն իրենց ուսումնական պայմանները, արձանագրած յաջողութիւններն ու կրթական ծրագիրները:

Համաժողովի ծիրէն ներս մարզահամերգային համալիրին մօտ ցուցադրութեան դրուած են «Սմեր»չ համազարկային կրակի համակարգ, «Տոչքա» մարտավարական հրթիռային համալիր, հակաօդային պաշտպանութեան համակարգեր, «Գրադ» համազարկային կրակի համակարգ, «Հաուբից» հրետանային համակարգ եւ Տ-90 հրասայլ:

Հայաստանի պաշտպանութեան նախարար Վիգէն Սարգսեան յայտարարեց, որ նախատեսած է ռազմակրթական ոլորտին առնչուող երկու նոր նախագիծ ներկայացնել:

Այս մասին ան ըսաւ Կարէն Դեմիրճեանի անուան մարզահամերգային համալիրին մէջ ընթացող «Ազգ-բանակ 2017» խորագիրով համաժողովին, զոր նախաձեռնած է Հայաստանի պաշտպանութեան նախարարութիւնը՝ կրթութեան եւ գիտութեան նախարարութեան հետ համատեղ, կը հաղորդէ «Թեր»չը:

0421arms3 «Ռազմահայրենասիրական դաս-տիարակութիւնը այսօր շատ քն-նարկուող խնդիր է ամբողջ աշխարհի մէջ, մեր խնդիրները շատ տարբեր են՝ հաշուի առնելով մեր աշխարհաքաղաքական դիրքը, մարտահրաւէրները, հաշուի առնելով, որ  համայնքներ ունինք, ուր մարդիկ սահմանապահի սկզբունքով կանգնած են հայրենիքի պաշտպանութեան գործին կողքին», ըսած է ան եւ կարեւոր համարած, թէ ինչպէս պիտի կազմակերպեն աշխատանքը ռազմահայրենասիրական դաստիարակութեան տեսանկիւնէն, եւ այս համաժողովը այդ ուղղութեամբ առաջին քայլը համարեց:

Ըստ նախարարին՝ ապագայ տեսլականը պէտք է կառուցել պատմութեան լաւ իմացութեամբ, հետեւողական աշխատանք իրականացնելով, ինչ որ հնարաւոր է բոլոր շահագրգիռ կողմերու ջանքերու համադրումով:

Նախարարը յայտնեց, որ նախատեսած են երկու նոր ծրագիր, եւ այս համաժողովը կը համարեն հանրային քննարկման շրջափուլ: «Առաջին ծրագիրը պայմանական կը կոչուի «Պատիւ ունեմ», որ ուղղուած է սպայական մասնագիտութեան հանդէպ նոր հետաքրքրութիւն խթանելուն:  Գաղափարախօսութիւնը համալսարանական տարկէտումը կապել ապագայ սպայական ծառայութեան հետ, եւ պետական հաւատարմագրում ունեցող համալսարանի մէջ ուսանող իւրաքանչիւր երիտասարդ իրաւունք ունի դիմելու այդ ծրագրին», ըսած է ան եւ պարզաբանած, որ այս ծրագիրը անոնց համար է, որոնք որոշած են երեք տարուան վճարուող սպայ դառնալ:

0421arms1 Երկրորդ ծրագիրը, որ կը կոչուի «Ես եմ», կը խրախուսէ անոնք, որոնք իրենք կայացուցած են առաջնագիծի վրայ ծառայութիւն անցնելու որոշումը: «Այն նորակոչիկները, որոնք ցանկութիւն կը յայտնեն ծառայութիւն իրականացնելու մարտական հերթապահութեան իրականացնող զօրամասի մը մէջ, իրաւունք պիտի ստանան անցնելու ծառայութեան նոր տեսակի՝ ժամկէտային-պայմանագրային», ըսած է նախարարը եւ նշած, որ ծառայութիւնը պիտի տեւէ երեք տարի:

Համաձայն այս ծրագիրին՝ ժամկէտային-պայմանագրային զինծառայութիւնը ընտրած զորակոչիկներուն հաշիւին  ծառայութեան աւարտին՝ 3 տարի անց, պիտի փոխանցուի 5 միլիոն դրամ, որ անոնք կարենան օգտագործել բնակարան ձեռք բերելու, փոքր գործ ստեղծելու կամ ուսման վարձը վճարելու համար:

Նախարարը վերջաւորութեան խնդրանք-յանձնարարութիւն ներկայացուց, ըսելով, որ շրջանաւարտ տուող իւրաքանչիւր դպրոցէ առնուազն մէկ դիմորդ պէտք է ուսումը շարունակէ ռազմական կրթական հաստատութեան մէջ:

0421arms

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top