Մոսկուայի Մէջ Դոկտ. Նորա Արիսեան Հայոց Ցեղասպանութեան Մասին Ակնարկութիւն Ըրաւ

0000ARISIAN

0000ARISIAN«Բերիոյ Նիուզ»ը կը հաղորդէ, թէ Չորեքշաբթի, 12 Ապրիլին, Սուրիոյ խորհրդարանական պատուիրակութիւնը այցելեց Մոսկուայի մէջ գտնուող «Վալտա» քաղաքական ուսումնասիրութեան կեդրոնի քննարկման ակումբը, ուր յատուկ հանդիպում ունեցաւ Սուրիոյ խորհրդարանի նախագահ դոկտ. Հատիյէ Ապպաս:

Հանդիպման ներկայ էին խորհրդարանի պատուիրակութեան անդամները, ուսումնասիրութեան կեդրոնի անդամներ՝ դիւանագէտներ, նախկին դեսպաններ եւ մտաւորականներ:

Քննարկման նիւթերն էին Սուրիոյ մէջ տիրող իրավիճակը, վերջին շաբթուան ընթացքին քաղաքական եւ զինուորական զարգացումները եւ յառաջիկային առնուելիք քայլերը:

Դոկտ. Ապպաս նախ եւ առաջ Սուրիոյ մասին ամփոփ տեղեկութիւններ ներկայացուց, այնուհետեւ ներկաները հարցադրումներ ուղղեցին Սուրիոյ իրավիճակին հետ կապուած:

Սուրիոյ պատուիրակութեան անդամ երեսփոխան դոկտ. Նորա Արիսեան հանդիպումին ելոյթ ունեցաւ եւ ներկայացուց քրիստոնեաներու իրավիճակը Սուրիոյ պատերազմին ընթացքին՝ նշելով. «Իբրեւ Հայոց Ցեղասպանութենէն վերապրածի թոռ եւ իբրեւ սուրիահայ յատուկ կերպով կը նշեմ, որ հայ համայնքը եւս մեծապէս վնաս կրեց ծայրայեղական ահաբեկչական խմբաւորումներէն»: Ասոր վառ օրինակը տալով՝ Արիսեան շեշտը դրաւ 1991ին կառուցուած Տէր Զօրի Սրբոց Նահատակաց եկեղեցւոյ եւ Մեծ Եղեռնի նահատակաց յուշահամալիրի պայթեցումը 21 Սեպտեմբեր 2014ին: Դոկտ. Արիսեան աւելցուց, որ «ասիկա վառ ապացոյցն է այդ խմբաւորումներու վարուելակերպին եւ վարած քաղաքականութեան»:

Յայտնենք, որ վերոնշեալ կեդրոնը կը հրաւիրուին ընդհանրապէս բոլոր լրատուամիջոցներու ներկայացուցիչները։ Անոնք քննարկման առարկայ դարձուցին Սուրիոյ իրավիճակը եւ այս առնչութեամբ հանդիպումներ ունեցան բազմաթիւ անդամներու հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top