ՀՄԸՄի Դամասկոսի Մասնաճիւղը Նշեց «Սկաուտի Օր»ը

0000DAMAS

 

0000DAMAS

 

ԴԱՄԱՍԿՈՍ.- Ուրբաթ, 7 Ապրիլին «Ամինեան» սրահին մէջ, կազմակերպութեամբ ՀՄԸՄի Դամասկոսի մասնաճիւղի վարչութեան, տեղի ունեցաւ «Սկաուտի օր»ուան տօնակատարութիւն՝ ներկայութեամբ Սուրիոյ խորհրդարանի անդամ դոկտ. Նորա Արիսեանի, պատկան մարմինի ներկայացուցիչին, հայ կաթողիկէ եկեղեցւոյ հովիւ Գէորգ վրդ. Պահեան, միութիւններու ներկայացուցիչներու, ՀՄԸՄի շրջանային ներկայացուցիչներու, Սուրիոյ սկաուտական շարժումի ներկայացուցիչներու, Դամասկոսի ՀՄԸՄի ընտանիքին եւ հոծ բազմութեան մը:

Բացումը կատարուեցաւ ՀՄԸՄի շեփորախումբին նուագած Սուրիոյ եւ Հայաստանի քայլերգներով:

Սկաուտական խորհուրդի ատենապետ Միհրան Ղազարեան, արաբերէնով եւ հայերէնով բացման խօսքերուն մէջ հաստատելէ ետք, թէ «Սկաուտի օր»ը ծառայութեան, իրերօգնութեան, եղբայրասիրութեան եւ մարդասիրութեան օրն է՝ ըսաւ «Այսօր բեմ պիտի բարձրանան 5 տարեկանէն 80 տարեկան քոյր-եղբայրներ, որոնք լրիւ կերպով գործադրած են եւ կը գործադրեն ՀՄԸՄի սկաուտի նշանաբանը՝ «Բարձրացի՛ր, բարձրացո՛ւր»»:

Տեղի ունեցաւ վկայականներու բաշխում եւ աստիճանատուչութիւն, ինչպէս նաեւ ՀՄԸՄի երկար տարիներու ծառայութեան յուշանուէրներու բաշխում:

Խօսք առաւ Սուրիոյ սկաուտական շարժումի Դամասկոսի մասնաճիւղի նախագահ Պասեմ Շպաթ, որ իր ուրախութիւնը յայտնեց ներկայ գտնուելու սոյն ձեռնարկին, եւ յատուկ կերպով շեշտեց ՀՄԸՄի Դամասկոսի մասնաճիւղին տիպար եւ կարգապահ ըլլալու յատկութիւնները:

ՀՄԸՄի Շրջանային վարչութեան խօսքը արտասանեց Մանուկ Քէօշկերեան, որ շնորհաւորեց աստիճանաւորները եւ յուշանուէր ստացողները ու բարձր գնահատեց Դամասկոսի մասնաճիւղին աշխատանքը: Ան ամփոփ կերպով ներկայացուց ՀՄԸՄի պատմականը՝ շեշտելով միութեան դաստիարակիչ դերը:

Աւարտին «Աւ. Ահարոնեան» ակումբին մէջ տեղի ունեցաւ յուշանուէրներ ստացողներուն հիւրասիրութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top