Քրիստոսի Թաղման Յիշատակի Արարողութիւնը Արեւմտեան Թեմի Եկեղեցիներուն Մէջ

0000Avak Ourpat1

0000Avak Ourpat1ՍԱՆԹԱ ԱՆԱ.- Աւագ Ուրբաթ օրը՝ Ապրիլ 14ին, Հայց. առաքելական եկեղեցին յիշատակեց  Յիսուս Քրիստոսի թաղումը, որ լրումին կը հասցնէ Քրիստոսի երկրաւոր կեանքի տառապալից դրուագներու շարքը։

Արեմտեան թեմի առաջնորդ Մուշեղ արք. Մարտիրոսեան նախագահեց Օրենճ Քաունթիի Ս. Քառասնից Մանկանց եկեղեցւոյ հոգեպարար արարողութեան, որ տեղի ունեցաւ Յիսուսի գերեզմանը խորհրդանշող ծաղիկներով զարդարուած սեղանին շուրջ։

Իր պատգամին մէջ, առաջնորդ սրբազանը կանգ առաւ Քրիստոսի թաղման խորհուրդին վրայ, նշելով, որ անիկա Աստուածորդւոյն երկրաւոր առաքելութեան նախավերջին գլխաւոր դէպքն էր, նախաքայլը՝ Ս. Յարութեան։ «Ան իբրեւ մարդ կրեց տառապանքներ, խաչին վրայ մեռաւ մեղաւորներու թողութեան համար, թաղուեցաւ Յովսէփ Արեմաթացիի սեփականութիւնը եղող գերեզմանին մէջ, որ փակուեցաւ քարով եւ կնքուեցաւ քահանայապետին մատանիով։ Այս բոլորով, քահանայապետները կը կարծէին, թէ յաջողած էին իրենց նպատակին մէջ, սպաննած ու թաղած էին Քրիստոսը եւ վերջ դրած անոր բացած ուղիին։ Սակայն անոնք կը սխալէին. Քրիստոսի երկրաւոր առաքելութիւնը գերեզմանով վախճանակէտին չհասաւ, այլ ան յարութիւն առաւ, յաղթեց մահուան եւ իր իսկ օրինակով նոր կեանքի ուղին ցոյց տուաւ մարդուն, հաւատացեալին բերաւ յաւիտենական կեանքի խոստումը», ըսաւ առաջնորդը, միաժամանակ նկատել տուաւ, որ երբ այսօր երկրպագութեամբ կ՛աղօթենք Քրիստոսի գերեզմանին առջեւ, հոն մահը չենք տեսներ, այլ կեանքը, մահուան վրայ կեանքին յաղթանակը, որ նուիրագործուեցաւ Յիսուսի հրաշափառ Ս. Յարութեամբ։

0000Avak Ourpat2

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top