Թուրքիոյ Մէջ Հրուշակագործութեան Հիմնադիրները Համշէնահայերն Են

ՊՈԼԻՍ, «Մարմարա».- Թուրքիոյ մէջ հրուշակագործութեան աւանդութեան հիմնադիրները համշէնահայերն են, որոնք մինչեւ այսօր կը պահպանեն այդ աւանդութիւնները. այս մասին գրած է լրագրող, լուսանկարիչ եւ «Պանդուխտ Խմորեղէնը» գիրքի հեղինակ Ուղուր Պիրէօլ։

Պիրէօլ համշէնցի հայերուն կողմէ հրուշակագործութեան ծագման ու զարգացման մասին ըսած է. «Մեր ուսումնասիրութիւնները ցոյց կու տան, որ 19րդ դարուն, մօտաւորապէս 186 համշէնցի ընտանիք գացած է Ռուսիա եւ Լեհաստան, իւրացուցած է հրուշակագործութեան հմտութիւնները, ապա հայրենիք վերադառնալով՝ այստեղ զարգացուցած է այդ աւանդութիւնները։ Ի հարկէ, անոնք այս գործը ո՛չ թէ Համշէնի, այլ մեծ քաղաքներու մէջ կ՛ընէին։ Պոլսոյ մէջ հրուշակեղէնի առաջին խանութներու հիմնադիրները պոլսահայերն ու յոյներն էին, իսկ դէպի Անատոլուի քաղաքներ հրուշակագործութիւնը բերողները համշէնցիներն էին»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top