Միջազգային Մամուլը Երգիծանկարներով Անդրադարձած Է Թուրքիոյ Հանրաքուէին

0421erdo1

0421erdo1ՊՈԼԻՍ, «Մարմարա».- Թուրքիոյ սահմանադրական փոփոխութիւններու հանրաքուէին արդիւնքները իրենց վրայ կեդրոնացուցած են միջազգային մամուլի սլաքները եւ հեղինակաւոր թերթեր, որոնք ընդհանրապէս քննադատական մօտեցումներով անդրադարձած են արդիւնքներուն՝ վիճայարոյց նկատելով զանոնք։ Լրատուութիւններուն առընթեր, հրապարակուած են նաեւ երգիծանկարներ, որոնց մէջ իբրեւ «հերոս» պատկերուած է նախագահ Էրտողանը։

Արդարեւ, բրիտանական «Ինտիփենտըն»չ թերթի ծաղրանկարին մէջ, Էրտողան պատկերուած է Թուրքիոյ դրօշին վրայ կիսալուսնի տեսքով, պատրաստ՝ կուլ տալու քուէատուփը։

«Կարտիըն» թերթը Էրտողանը պատկերած է աշխարհի մէջ տիրող խառնաշփոթի խորապատկերին վրայ։ Նկարին ձախ անկիւնը գրուած է՝ «Քանդումի կրկէսը կը պարգեւատրէ ամենաուժեղ տղամարդը», իսկ Էրտողան պատկերուած է ծանրաբարձի դիրքով եւ կանգնած՝ բանտարկեալ լրագրողներու վրայ։ Նախագահին մէկ ձեռքին մէջ կայ մահապատիժ իրականացնելու համար նախատեսուած պարան մը, իսկ միւս ձեռքին մէջ՝ ծանրաձող մը, որուն ծայրերը գրուած է «այո՛»։

«Տը Ուիք» թերթը, որ կը հրատարակուի Բրիտանիոյ, Ամերիկայի ու Աւստրալիոյ մէջ, հանրաքուէն նմանցուցած է կատուի ու մուկի «խաղ»ին, ուր կատուն Էրտողանն է, իսկ մուկերը՝ ընտրողները։ Ծաղրանկարին մէջ կատու Էրտողանը կ՛ըսէ. «Ձեր հարցը այն է, որ աշխարհը կ՛ատէ ձեզ։ Պէտք ունիք հզօր առաջնորդի մը»։

Իսկ «Թայմզ»ը Էրտողանը պատկերած է սուլթանի տեսքով՝ նկարին վրայ աւելցնելով հետեւեալ գրութիւնը. «Թուրքիոյ ժողովրդավարութեան համար նշանակալից օր է ասիկա։ Ասոր հակառակը ըսելը՝ ապօրինի՛ է այսուհետեւ»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top