Թեքսաս Դարձաւ Ցեղասպանութիւնը Ճանչցած 46րդ Նահանգը

0520TEXASRESOLUTION

0520TEXASRESOLUTION

ՕՍԹԸՆ.- Ուրբաթ, Մայիս 19ին, Թեքսասի նահանգային խորհրդարանը վաւերացուց թիւ 191 բանաձեւը, որ նահանգը կը դարձնէ Հայոց Ցեղասպանութիւնը ճանչցած՝ Միացեալ Նահանգներու 46րդ նահանգը։

«Հայոց Ցեղասպանութեան ճանաչում» խորագրուած այս բանաձեւին վաւերացումը յոյժ կարեւոր յաղթանակ մը համարելով՝ Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան յատուկ շնորհակալութիւն յայտնած է բանաձեւը խորհրդարանին ներկայացուցած պատգամաւոր Սքաթ Սենֆորտին, խորհրդարանի միւս անդամներուն, Հիւսթընի եւ Տալասի Հայ Դատի յանձնախումբերուն եւ բանաձեւի վաւերացման իւրաքանչիւր քայլափոխին նպաստած անհատներուն ու շրջանի հայ համայնքին, առանձնացնելով Տալասի Հայ Դատի յանձնախումբի ատենապետ Լուսիա Նազարեանի, իրաւանց ջատագովման «Ֆոքըստ Էտվոքըսի» կազմակերպութեան նախագահ Պրենտըն Թատ Աղամալեանի եւ Թեքսասի համալսարանի դասախօս Միհրան Արոյեանի բերած կարեւոր ներդրումները։

Բանաձեւը, որ ապահոված էր մօտաւորապէս 50 հովանաւորներ, վաւերացուեցաւ միաձայնութեամբ։

Յիշեցնենք, որ նոյն նահանգի խորհրդարանը 2015ին ձախողութեան մատնած էր հակահայ բանաձեւ մը, միաժամանակ վաւերացնելով Հայոց Ցեղասպանութեան օրերուն հայութեան օժանդակութեան ձեռք երկարած Մերձաւոր Արեւելքի Նպաստամատոյց կազմակերպութեան բարեսիրական գործունէութիւնը դրուատող թիւ 1541 բանաձեւը։

Թեքսասի նահանգային խորհրդարանի թիւ 191 բանաձեւի վաւերացումը, ինչպէս նաեւ Ուայոմինկի նահանգապետին կողմէ անցած Ապրիլին տեղի ունեցած Հայոց Ցեղասպանութեան ճանաչումը, Արեւմտեան Ամերիկայի Հայ Դատի յանձնախումբի հովանիին տակ գտնուող Միացեալ Նահանգներու 19 նահանգներուն մէջ Ցեղասպանութեան ճանաչումը ամողջական կը դարձնեն։ Այս մասին յաւելեալ մանրամասնութեանց համար, այցելել anca.org/us-genocide-recognition կայքը։

exas We Thank You Gala

Սքաթ Սենֆորտ

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top